'എനിക്ക് ആറിലേറെ കാമുകിമാരുണ്ടായിരുന്നു'; അവരെല്ലാം നല്ലതായിരുന്നുവെന്ന് സൽമാൻ ഖാൻ

ബോളിവുഡിലെ ഏറ്റവുമധികം താരമൂല്യമുള്ള താരങ്ങളിൽ ഒരാളാണ് സൽമാൻഖാൻ. കരിയറിൽ ഉടനീളം വിവാദങ്ങളുടെ തോഴൻ കൂടിയാണ് ഈ സൂപ്പർതാരം. പ്രണയം, മാൻവേട്ട, വധഭീഷണി എന്നിങ്ങനെ സിനിമയ്ക്ക് പുറത്തും വാർത്തകളിലെ താരമാണ് സൽമാൻ.

പാപ്പരാസികൾ സൽമാനെ കൂടുതൽ ആഘോഷിച്ചിട്ടുള്ളത് അദ്ദേഹത്തിന്‍റെ പ്രണയബന്ധങ്ങളുടെ പേരിലാണ്. ബോളിവുഡിലെ നിരവധി നായികമാരുമായി സൽമാന് പ്രണയമുണ്ടെന്ന വാർത്തകൾ പുറത്തുവന്നിട്ടുണ്ട്. ഇതുവരെ ആറിലധികം പേരുമായി പ്രണയമുണ്ടായിരുന്നതായി തുറന്നു സമ്മതിക്കുകയാണ് സൽമാൻഖാൻ. ടിവി പരിപാടിയായ ആപ് കി അദാലത്തിന്റെ പുതിയ എപ്പിസോഡിലാണ്, സൽമാൻ തന്റെ വ്യക്തിജീവിതത്തെക്കുറിച്ച്, പ്രത്യേകിച്ച് തന്റെ പ്രണയത്തെക്കുറിച്ച് തുറന്നുപറഞ്ഞത്.

ഞാൻ പ്രണയിച്ചവരെല്ലാം നല്ലവരായിരുന്നുവെന്നും അത് മുന്നോട്ടുകൊണ്ടുപോകുന്നതിൽ പരാജയപ്പെട്ടിരുന്നതായും സൽമാൻ പറഞ്ഞു. പ്രണയത്തിൽ താൻ എപ്പോഴും നിർഭാഗ്യവാനാണെന്നും തന്‍റെ കൈയിലെ പിഴവുകളാണ് പ്രശ്നമായതെന്നും താരം സമ്മതിച്ചു.

നല്ലവരായിരുന്നു. തെറ്റ് എന്റെതാണ്. ഇക്കാര്യത്തിൽ ആരെയും കുറ്റപ്പെടുത്താനാകില്ല'- സൽമാൻ പറഞ്ഞു.

'നിങ്ങൾക്കറിയാമോ, അവർ അർഹിക്കുന്നു എന്ന് അവർ കരുതുന്ന ജീവിതവും സന്തോഷവും നൽകാൻ എനിക്ക് കഴിയില്ലായിരിക്കാം'- സൽമാൻ പറഞ്ഞു.

സോമി അലി, സംഗീത ബിജ്‌ലാനി, ഐശ്വര്യ റായ്, കത്രീന കൈഫ്, പൂജ ഹെഗ്‌ഡെ എന്നിവരുമായി സൽമാൻ ഖാന് പ്രണയമുണ്ടെന്ന വാർത്തകൾ പലപ്പോഴായി പുറത്തുവന്നിട്ടുണ്ട്. അതിനുപുറമെ, സരീൻ ഖാൻ, ഇലുലിയ വന്തുർ, സ്നേഹ ഉള്ളാൽ എന്നിവരുമായും അദ്ദേഹം പ്രണയത്തിലായിരുന്നുവെന്ന് കിംവദന്തികൾ ഉണ്ടായിരുന്നു.

പ്രശസ്ത നടൻ അശോക് കുമാറിന്റെ ചെറുമകളും ബോളിവുഡ് നടിയുമായ കിയാര അദ്വാനിയുടെ അമ്മായി ഷഹീൻ ജാഫ്രി ആയിരുന്നു സൽമാന്റെ ആദ്യ കാമുകി. സൽമാൻ അവരുമായി അഗാധമായ പ്രണയത്തിലായിരുന്നു, അവരെ വിവാഹം കഴിച്ചേക്കുമെന്ന് വരെ വാർത്തകൾ വന്നു. ഒരുവേള സൽമാൻ തന്റെ മാതാപിതാക്കൾക്ക് ജാഫ്രിയെ പരിചയപ്പെടുത്തുക പോലും ചെയ്തു.

സൽമാൻ ഖാൻ ഇപ്പോഴും അവിവാഹിതനായി തുടരുന്നു. സിനിമയിൽ മാത്രമാണ് താരം പൂർണമായും ശ്രദ്ധിക്കുന്നത്. അടുത്തിടെ പുറത്തിറങ്ങിയ കിസി കാ ഭായ് കിസി കി ജാൻ ബോക്‌സ് ഓഫീസിൽ മികച്ച പ്രകടനം കാഴ്ചവെച്ച് മുന്നേറുകയാണ്. വൈ‌ആർ‌എഫിന്റെ ടൈഗർ 3, പത്താൻ വേഴ്സസ് ടൈഗർ എന്നിവയാണ് സൽമാൻ ഖാൻ ഇനി അഭിനയിക്കുന്ന ചിത്രങ്ങൾ.