100 കോടിക്കു മുകളിൽ പ്രതിഫലം വാങ്ങുന്ന ഇന്ത്യൻ താരങ്ങൾ

നൂറ് കോടിക്കു മുകളിൽ പ്രതിഫലം വാങ്ങുന്ന താരങ്ങളിൽ ഇന്ത്യയിൽ ഏറ്റവും സമ്പന്നനായ നടന്മാരിൽ ഒരാളായ ഷാരൂഖ് ഖാൻ ആണ്. താരത്തിന്റെ ഏറ്റവും ഒടുവിൽ ഇറങ്ങിയ പഠാനിലെ പ്രതിഫലം 120 കോടിയാണെന്നാണ് റിപ്പോർട്ടുകൾ. മാത്രമല്ല, സിനിമയുടെ ലാഭത്തിന്റെ 60 ശതമാനവും ഷാരൂഖ് വാങ്ങുന്നുണ്ട്.

ആമിർ ഖാനാണ് നൂറ് കോടിക്കു മുകളിൽ പ്രതിഫലം വാങ്ങുന്ന മറ്റൊരു താരം. 100 മുതൽ 150 കോടി വരെയാണത്രേ ഒരു ചിത്രത്തിന്റെ താരത്തിന്റെ പ്രതിഫലം. മാത്രമല്ല, ലാഭത്തിന്റെ 70 ശതമാനവും ആമിർ വാങ്ങുന്നുണ്ട്.

സൽമാൻ ഖാനാണ് പ്രതിഫല തുകയിൽ മുന്നിൽ നിൽക്കുന്ന മറ്റൊരു താരം. അവസാനം പുറത്തിറങ്ങിയ ടൈഗർ സിന്ദാ ഹേയിൽ 130 കോടിയായിരുന്നു പ്രതിഫലം. സിനിമയുടെ ലാഭത്തിന്റെ ഒരു പങ്കും സൽമാന് ലഭിക്കുന്നുണ്ട്.

പ്രതിഫലത്തിൽ മുന്നിട്ടു നിൽക്കുന്ന മറ്റൊരു താരം തെലുങ്കിലെ സൂപ്പർ സ്റ്റാൽ അല്ലു അർജുനാണ്. പുഷ്പ 2 നായി 125 കോടിയാണ് അല്ലു പ്രതിഫലമായി വാങ്ങിയതെന്നാണ് റിപ്പോർട്ടുകൾ.

നൂറ് കോടിയാണ് പ്രഭാസ് ഒരു ചിത്രത്തിനു വേണ്ടി വാങ്ങുന്നത്. ബാഹുബലിക്കു ശേഷം പ്രഭാസിന്റെ ഹിറ്റ് ചിത്രങ്ങളൊന്നും വന്നില്ലെങ്കിൽ കൂടുതൽ പ്രതിഫലം വാങ്ങുന്ന താരങ്ങളിൽ മുൻനിരയിൽ തന്നെ പ്രഭാസുമുണ്ട്.

നൂറ് കോടിക്കു മുകളിൽ പ്രതിഫലം വാങ്ങുന്ന നായകന്മാർ അങ്ങ് ബോളിവുഡിലും ടോളിവുഡിലും മാത്രമല്ല, ഇങ്ങ് കോളിവുഡിലുമുണ്ട്. 120 നും 150 കോടിക്കും ഇടയിലാണ് വിജയ് വാങ്ങുന്ന പ്രതിഫലം.

രജനീകാന്താണ് നൂറ് കോടിക്കു മുകളിൽ പ്രതിഫലമുള്ള മറ്റൊരു താരം. 150 കോടിയാണത്രേ രജനീകാന്ത് ഒരു ചിത്രത്തിനായി വാങ്ങിയത്.

സിനിമകൾ ഒന്നിനു പുറകേ ഒന്നായി പരാജയമാണെങ്കിലും പ്രതിഫലത്തിന്റെ കാര്യത്തിൽ അക്ഷയ് കുമാറും മുൻപന്തിയിലാണ്. 135 കോടിയാണ് താരം തന്റെ പുതിയ ചിത്രമായ ബഡേ മിയാൻ ഛോട്ടേ മിയാനിൽ അഭിനയിക്കാൻ വാങ്ങിയത്.