ഏട്ടൻ പ്രണവിനെ പോലെ മായയും പ്രകൃതി സ്നേഹിയാണോ? പ്രകൃതി രമണീയത ആസ്വദിക്കുന്ന വിസ്മയ മോഹൻലാൽ

വിസ്മയ മോഹൻലാൽ എന്ന മായയുടെ ഏട്ടൻ പ്രണവ് മോഹൻലാൽ ഒരു പ്രകൃതി സ്നേഹിയാണെന്നതിൽ ആർക്കും സംശയമില്ല. കാടും മേടും മലയും കയറുന്ന സാഹസികൻ എന്നാണ് സിനിമാ നടൻ ആവുന്നതിനും മുൻപ് പ്രേക്ഷകർക്ക് പ്രണവിനെ പറ്റി ലഭിച്ച ആമുഖം

എന്നാൽ അനുജത്തി വിസ്മയയും ചേട്ടനെ പോലെ ആണെന്ന് സൂചന നൽകുന്ന ചിത്രമാണിത്. തന്റെ ഏറ്റവും പുതിയ ഇൻസ്റ്റാഗ്രാം പോസ്റ്റിലൂടെ പ്രകൃതിരമണീയമായ സ്ഥലത്ത് വലിയ പാറപ്പുറത്തിരിക്കുന്ന ചിത്രവുമായി എത്തുകയാണ് മായ

വിസ്മയയുടെ പോസ്റ്റുകൾ മുഴുവനും പ്രകൃതി മനോഹാരിതയുമായി ഇഴുകി ചേർന്നവയാണ്

പച്ചപ്പും, കടലും, തണലും വേണ്ടുവോളം ആസ്വദിക്കാവുന്ന ഇടമാണ് മായയുടെ ഇൻസ്റ്റാഗ്രാം പേജ്

ഈ ലോക്ക്ഡൌൺ നാളുകളിൽ താൻ തായ്‌ലൻഡിൽ സുരക്ഷിതയാണെന്നു പറഞ്ഞ വിസ്മയയുടെ പോസ്റ്റാണിത്. ഇവിടെയും നിറഞ്ഞു നിൽക്കുന്നത് പ്രകൃതി മനോഹാരിത മാത്രം

അച്ഛന്റെ അറുപതാം പിറന്നാളിന് മായ വിദേശത്തായിരിക്കും. അമ്മ സുചിത്രയും ഏട്ടൻ പ്രണവും ചെന്നൈയിലെ വീട്ടിൽ മായയുടെ അച്ഛൻ മോഹന്ലാലിനൊപ്പമാണ്

എഴുത്തുകാരി കൂടിയാണ് മായ. തന്റെ കവിതകളും പെയിന്റിങ്ങുകളും ചേർന്ന പുസ്തകമായ 'ഗ്രെയ്ന്സ് ഓഫ് സ്റ്റാർ ഡസ്ട്' എന്ന വിസ്മയയുടെ പുസ്തകം പുറത്തിറങ്ങിയിരുന്നു

മോഹൻലാൽ കുടുംബം