Prabhas | അങ്ങനെതന്നെയാണ് തീരുമാനം, മാറ്റമില്ല; ആരാധകരെ അമ്പരപ്പിച്ച് പ്രഭാസ്

നടൻ പ്രഭാസിന്റെ (Prabhas) ആരാധകർക്ക് ഒരു പരാതിയുണ്ട്: അവരുടെ പ്രിയപ്പെട്ട സെലിബ്രിറ്റി പലപ്പോഴും സോഷ്യൽ മീഡിയ സമ്പർക്കത്തിൽ നിന്ന് വിട്ടുനിൽക്കുന്നു. പ്രഭാസ് 2019-ൽ സോഷ്യൽ മീഡിയയിൽ ചേരുകയും അവിടെ വ്യക്തിപരമായ അപ്‌ഡേറ്റുകൾ തീർത്തും അപൂർവ്വമായി മാത്രം പോസ്റ്റ് ചെയ്യുകയും ചെയ്യുന്നു. തന്റെ വരാനിരിക്കുന്ന പ്രോജക്റ്റുകളുടെയും ഷൂട്ടുകളുടെയും വിശദാംശങ്ങൾ മാറ്റിനിർത്തിയാൽ, സഹതാരങ്ങൾക്ക് അദ്ദേഹം പതിവായി ജന്മദിനാശംസകൾ അയയ്‌ക്കുന്നു

താരം ഈ പതിവിൽ നിന്നും വ്യതിചലിക്കുന്നത് കാത്തിരിക്കുകയാണ് ആരാധകർ. എന്നിരുന്നാലും, അടുത്തിടെ സോഷ്യൽ മീഡിയയിൽ നടൻ നടത്തിയ പ്രതികരണം ചിലരെയെങ്കിലും ഞെട്ടിച്ചു. പുതിയ ചിത്രമായ 'രാധേ ശ്യാം' റിലീസിന് തയാറെടുത്ത വേളയിലാണ് പ്രഭാസിന്റെ പുത്തൻ വെളിപ്പെടുത്തൽ (തുടർന്ന് വായിക്കുക)

സിനിമാ അപ്‌ഡേറ്റുകൾക്കല്ലാതെ മറ്റൊന്നിനും താൻ ഇനി സോഷ്യൽ മീഡിയ ഉപയോഗിക്കില്ലെന്ന് പ്രഭാസ് പറഞ്ഞു. താൻ സോഷ്യൽ മീഡിയ ഉപയോഗിക്കുന്നില്ലെന്നും തന്റെ ഫേസ്ബുക്ക് അക്കൗണ്ട് ബാഹുബലി അണിയറപ്രവർത്തകർ സൃഷ്ടിച്ചതാണെന്നും തന്റെ ഇൻസ്റ്റാഗ്രാം അക്കൗണ്ട് സൃഷ്ടിച്ചത് രാധേ ശ്യാമിന്റെ സ്രഷ്‌ടാക്കളാണെന്നും താരം പറഞ്ഞു

തന്റെ ഹിന്ദി ഭാഷ ശൈലിയ്‌ക്കെതിരെ തനിക്ക് ലഭിച്ച വിമർശനങ്ങളെ കുറിച്ച് പ്രഭാസ് അടുത്തിടെ ഒരു മാധ്യമ കൂടിക്കാഴ്ചയിൽ തുറന്നുപറഞ്ഞു. ഹിന്ദിയിൽ തന്റെ പ്രാവീണ്യത്തെക്കുറിച്ച് ചോദിച്ചപ്പോൾ, തന്റെ ഹിന്ദിക്ക് ഹൈദരാബാദി ഛായയുണ്ടെന്നതാണ് തന്റെ പ്രധാന പ്രശ്‌നമെന്ന് പ്രഭാസ് പറഞ്ഞു

“ഞാൻ എന്റെ ഭാഷയിൽ കഠിനാധ്വാനം ചെയ്തു. എനിക്ക് ഹിന്ദിയിൽ എഴുതാനും വായിക്കാനും അറിയാം. ഞാൻ ഹിന്ദി ഡയലോഗുകൾ ചോദിക്കാറുണ്ട്. ഉച്ചാരണത്തെ ബാധിക്കുന്നതിനാൽ അവ ഇംഗ്ലീഷിൽ വായിക്കുന്നത് എനിക്ക് ഇഷ്ടമല്ല," പ്രഭാസ് പറഞ്ഞു

അതേസമയം, പൂജ ഹെഗ്‌ഡെയ്‌ക്കൊപ്പം അഭിനയിക്കുന്ന തന്റെ അടുത്ത ചിത്രമായ രാധേ ശ്യാമിന്റെ പ്രചരണത്തിനായി അദ്ദേഹം രാജ്യമെമ്പാടും പര്യടനം നടത്തുകയാണ്. ഭാവിയെ മുൻകൂട്ടി കാണാനും ഭൂതകാലത്തിലേക്ക് എത്തിനോക്കാനും കഴിയുന്ന കൈനോട്ടക്കാരനായ വിക്രമാദിത്യനെയാണ് അദ്ദേഹം അവതരിപ്പിക്കുന്നത്

പ്രണയ ചിത്രത്തിലെ നായികയായ പ്രേണയെയാണ് പൂജ ഹെഗ്‌ഡെ അവതരിപ്പിക്കുന്നത്. ചിത്രത്തിന്റെ ട്രെയിലറുകൾ കൗതുകകരമായിരുന്നു. കൂടാതെ നിർമ്മാതാക്കൾ മെറ്റാവേർസിൽ ഒരു ടീസർ നിർമ്മിക്കുകയും ചെയ്തു. മാർച്ച് 11ന് റിലീസ് ചെയ്യുന്ന ചിത്രത്തിൽ കൃഷ്ണം രാജുവും ഭാഗ്യശ്രീയും മറ്റു പ്രധാന വേഷങ്ങൾ ചെയ്യുന്നു