എല്ലാരും കയറിയല്ലോ അല്ലേ? ഇസൂന്റെ പേടകം സ്റ്റാർട്ട്‌ ചെയ്യുവാണേ

കുഞ്ചാക്കോ ബോബന്റെയും പ്രിയയുടെയും കടിഞ്ഞൂൽ കണ്മണി ഇസഹാക് എന്ന ഇസൂന് ഇന്നലെയായിരുന്നു ഒന്നാം പിറന്നാൾ. രാവിലെ മുഴുവൻ കാത്തിരുന്ന ആരാധകർക്ക് മുന്നിൽ രാത്രിയായപ്പോഴാണ് പതിവുപോലെ ചാക്കോച്ചൻ ആഘോഷ ചിത്രം അവതരിപ്പിച്ചത്. തന്നോളം പോന്ന കേക്കിനരികിൽ പുഞ്ചിരിച്ചു കൊണ്ടിരിക്കുന്ന ഇസ കുട്ടീടെ പടമാണ് ചാക്കോച്ചൻ പോസ്റ്റ് ചെയ്തത്. ഈ കോവിഡ് കാലത്തും പ്രതീക്ഷ നൽകുന്ന തീം ആണ് കേക്കിനായി ഒരുക്കിയിരിക്കുന്നത്. കേക്കിന്റെ പ്രത്യേകത എന്തെന്നല്ലേ?

നോവയുടെ പേടകം പോലെ ചെയ്തിരിക്കുന്ന ഇസയുടെ പേടകമാണ് കേക്കിന്റെ മുകൾ തട്ടിൽ കാണുന്നത്. ഇതിൽ ഇസയുടെ പ്രിയപ്പെട്ട ആനക്കുട്ടിയും, ജിറാഫും, സിംഹവും, കുരങ്ങുമെല്ലാം കയറിയിട്ടുണ്ട്. നമ്മൾ ഒത്തുചേർന്നാൽ ഏതുവലിയ പ്രതിസന്ധിയെയും തരണം ചെയ്യാമെന്ന സന്ദേശമാണ് ഒരുവയസ്സുകാരൻ ഇസൂന് നൽകാനുള്ളത്

ഇസയുടെ പിറന്നാളിന് ആദ്യ ആശംസ പോസ്റ്റിട്ടത് പേളി മാണിയാണ്. ഈ ചിത്രത്തിനൊപ്പമായിരുന്നു പേളിയുടെ സന്ദേശം

'ചാക്കോച്ചന്റെം പ്രിയചേച്ചിയുടേം ജീവിതത്തിലേക്ക് ഒരുപാട് സന്തോഷവുമായി എത്തിയ ഇസു കുഞ്ഞിന് ഒരായിരം ജന്മദിനാശംസകൾ' നൽകിയാണ് അനുശ്രീയുടെ പോസ്റ്റ് എത്തിയത്

ഇസഹാക്കിന്റെ ജനനശേഷമുള്ള ചാക്കോച്ചന്റെ ആദ്യ പിറന്നാൾ കേക്ക് ആണിത്. കേക്കിൽ ഇസൂനെ താലോലിക്കുന്ന ചാക്കോച്ചനെയാണ് കാണുന്നത്

ചാക്കോച്ചന്റേയും പ്രിയയുടെയും കുട്ടിക്കാല ചിത്രങ്ങൾക്ക് നടുവിൽ ഇസ

മകനൊപ്പം കുഞ്ചാക്കോ ബോബനും ഭാര്യ പ്രിയ ആൻ സാമുവലും

14 വർഷത്തെ കാത്തിരിപ്പിനൊടുവിൽ എത്തിയ അതിഥിയുടെ വരവ് സോഷ്യൽ മീഡിയ അക്കൗണ്ടുകൾ  വഴി  കുഞ്ചാക്കോ ബോബൻ ആരാധകരെ അറിയിച്ച പോസ്റ്റ്