Ishaani Krishna | അന്ന് 39-41 കിലോ; ശരീരഭാരം വർധിപ്പിച്ച ചലഞ്ചുമായി ഇഷാനി കൃഷ്ണ

നന്നേ മെലിഞ്ഞ്, ഇടതൂർന്ന നീളൻ മുടിയുമായി സിനിമയിൽ കന്നിയങ്കം കുറിച്ച നടിയാണ് ഇഷാനി കൃഷ്ണ. ആദ്യ ചിത്രം 'വണ്ണിൽ' കയ്യടക്കമുള്ള അഭിനയമായിരുന്നു ഇഷാനിയുടേത്. കൃഷ്ണകുമാറിന്റെ മൂന്നാമത്തെ മകളും അഹാനയുടെ രണ്ടാമത്തെ അനുജത്തിയുമാണ് ഇഷാനി. പലരും പഴയതിനെക്കാളും മെലിയുമ്പോൾ ഇഷാനിയുടേത് ശരീരഭാരം വർധിപ്പിച്ച ചലഞ്ചാണ്

ഇൻസ്റ്റഗ്രാം ചോദ്യോത്തര വേളയിലാണ് ഇഷാനി ഇതേക്കുറിച്ചു മറുപടി നൽകിയത്. 'എന്നെക്കാളും പത്തു കിലോ കുറഞ്ഞ അനുജത്തി' എന്ന് അഹാന തന്നെ മുൻപൊരിക്കൽ പറഞ്ഞിട്ടുണ്ട്. ശരീരവണ്ണം പേടിക്കുന്ന പലർക്കും മുൻപിൽ തന്റേടത്തോടെ വരികയാണ് ഇഷാനി. 39-41 കിലോയിൽ നിന്നും സ്വപ്രയത്നം കൊണ്ട് ശരീരഭാരം വർധിപ്പിച്ച കാര്യമാണ് ഇഷാനി പറഞ്ഞത് (തുടർന്ന് വായിക്കുക)

അഹാനയുമായി നല്ല രൂപസാദൃശ്യമുണ്ട് ഇഷാനിക്ക്. കുറച്ചുകൂടി മെലിഞ്ഞയാൾ ആയതിനാൽ ഒറ്റനോട്ടത്തിൽ ആ സാദൃശ്യം അധികം പ്രകടമല്ലായിരുന്നു. വീട്ടിലെ ഉയരം കൂടിയ മകൾ അഹാനയാണെങ്കിൽ ഇഷാനിക്ക് അഞ്ചടി നാലിഞ്ച് ഉയരമുണ്ട്

പലപ്പോഴും 39നും 41നും ഇടയിലായതിനാൽ, 40 കിലോയാവും പഴയ ശരീരഭാരം എന്ന് ഇഷാനി പറയുന്നു. ഇപ്പോൾ 50 കിലോയുണ്ട്. ശരീരഭാരം വർധിപ്പിച്ചും പോസിറ്റിവിറ്റി നൽകുന്ന ഒരു അഭിനേത്രി എന്ന നിലയിൽ ഇഷാനിയുടെ ഈ പോസ്റ്റ് വേറിട്ട് നിൽക്കുന്നു

ഇഷാനിയുടെ പോസ്റ്റ്

'വൺ' സിനിമയുടെ ലൊക്കേഷനിൽ മമ്മൂട്ടിക്കൊപ്പം ഇഷാനി. അച്ഛൻ കൃഷ്ണകുമാറും മമ്മൂട്ടിക്കൊപ്പം അഭിനയിച്ചിട്ടുണ്ട്

ഇഷാനിയും അച്ഛനമ്മമാരും സഹോദരിമാരും ചേർന്നുള്ള ചിത്രം. കൃഷ്ണകുമാറിന്റെ പിറന്നാളിന് പോസ്റ്റ് ചെയ്തത്