Shefeekkinte Santhosham | ഇനി ദുബായിൽ കാണാം; ഷെഫീക്കിന്റെ സന്തോഷം കേരള ഷെഡ്യൂൾ പാക്ക് അപ്പ് ആയി

കേരള ഷെഡ്യൂൾ പൂർത്തിയാക്കിയ ആഘോഷവുമായി ഉണ്ണി മുകുന്ദൻ (Unni Mukundan) ചിത്രം 'ഷെഫീക്കിന്റെ സന്തോഷം' (Shefeekkinte Santhosham). ബാക്കി ഭാഗങ്ങൾ ദുബായിലാണ് ചിത്രീകരിക്കുക. ഉണ്ണി നായകനും നിർമ്മാതാവുമാകുന്ന സിനിമയാണ് ഇത്. അനൂപ് പന്തളം തിരക്കഥയെഴുതി സംവിധാനം ചെയ്യുന്ന ആദ്യ ചിത്രമാണ് 'ഷെഫീക്കിന്റെ സന്തോഷം'

മനോജ് കെ. ജയന്‍, ബാല, ദിവ്യ പിള്ള, ആത്മീയ രാജന്‍ എന്നിവരെ കൂടാതെ, ഷഹീന്‍ സിദ്ധിക്ക്, മിഥുന്‍ രമേഷ്, സ്മിനു സിജോ, ബോബൻ സാമുവൽ, ഹരീഷ് പേങ്ങൻ, അസീസ് നെടുമങ്ങാട്, പൊള്ളാച്ചി രാജാ, ജോര്‍ഡി പൂഞ്ഞാര്‍ തുടങ്ങിയവരും അഭിനയിക്കുന്നു (തുടർന്ന് വായിക്കുക)

ടൈറ്റില്‍ ക്യാരക്ടറായി ഉണ്ണി മുകുന്ദൻ അഭിനയിക്കുന്ന 'ഷെഫീഖിന്റെ സന്തോഷം' ഏപ്രില്‍ 16ന് ഈരാറ്റുപേട്ടയിൽ ആണ് ചിത്രീകരണം ആരംഭിച്ചത്

രസകരമായ റിയലിസ്റ്റിക് ഫാമിലി എന്റർടെയ്‌നർ എന്ന ആമുഖത്തോടെ അവതരിപ്പിക്കുന്ന ചിത്രം, പാറത്തോട് എന്ന ചെറിയ ഗ്രാമത്തിലെ ഒരു സാധാരണ കുടുംബത്തിൽ നിന്നുള്ള പ്രവാസിയായായ ഷെഫീക് എന്ന യുവാവിൽ കേന്ദ്രീകൃതമാണ്

മറ്റുള്ളവരെ സഹായിക്കുന്നതിന്റെ സന്തോഷത്തിൽ അയാൾ സന്തോഷം കണ്ടെത്തുന്നു. അതിനായി താൻ എന്തും ചെയ്യാൻ തയ്യാറാണ്. ഒരു സമ്പൂർണ ഫാമിലി എന്റർടെയ്‌നറിന്റെ എല്ലാ ഘടകങ്ങളും സിനിമയിലുണ്ട് എന്ന് അണിയറപ്രവർത്തകർ അവകാശപ്പെടുന്നു