Kajal Aggarwal and Gautam Kitchlu| ഹണിമൂണിനൊരുങ്ങി കാജലും ഗൗതമും ; ചിത്രങ്ങൾ പങ്കുവെച്ച് താരം

കഴിഞ്ഞ വെള്ളിയാഴ്ചയാണ് നടി കാജൽ അഗർവാൾ വിവാഹിതയായത്. വ്യവസായിയും ബാല്യകാല സുഹൃത്തുമായ ഗൗതം കിച്ച്ലുവാണ് കാജലിന് താലി ചാർത്തിയത്. മുംബൈയിലെ താജ് ഹോട്ടലിൽ വെച്ചായിരുന്നു വിവാഹം.

അടുത്ത ബന്ധുക്കൾ മാത്രമായിരുന്നു വിവാഹത്തിൽ പങ്കെടുത്തത്. വിവാഹത്തിനു പിന്നാലെ ഹണിമൂണിന് പോകാനുള്ള ഒരുക്കത്തിലാണ് കാജലിപ്പോൾ. ഇതിൻറെ ചിത്രങ്ങൾ കാജൽ തന്നെയാണ് പങ്കുവെച്ചത്.

കാജലിന്റെയും ഗൗതമിന്റെയും പേരുകളെഴുതിയ രണ്ട് പൗച്ചുകളുടെയും പാസ്പോർട്ടുകളുടെയും ചിത്രമാണ് കാജൽ പങ്കുവെച്ചിരിക്കുന്നത്. ബാഗുകൾ പാക്ക് ചെയ്ത് കഴിഞ്ഞെന്നും യാത്രയ്ക്ക് തയ്യാറാണെന്നുമുള്ള അടിക്കുറിപ്പുകളോടെയാണ് ചിത്രം പങ്കുവെച്ചിരിക്കുന്നത്. ശനിയാഴ്ചയാണ് ചിത്രം പങ്കുവെച്ചത്.

വിവാഹത്തിന് ദിവസങ്ങൾക്ക് മുമ്പാണ് കാജൽ വിവാഹിതയാകാൻ പോകുന്ന കാര്യം ആരാധകരെ അറിയിച്ചത്. ഇതിനു പിന്നാലെ ഹാൽദി സെറിമണി ചിത്രങ്ങളും മുംബൈയില്‍ നടന്ന വിവാഹ ചടങ്ങുകളുടെ ചിത്രങ്ങളും കാജല്‍ ആരാധകർക്കായി പങ്കുവെച്ചിരുന്നു.

വിവാഹത്തിനു പിന്നാലെയും ഗൗതമിനൊപ്പമുള്ള വിരുന്നുകളുടെയും പൂജകളുടെയും ചിത്രങ്ങളും കാജൽ പങ്കുവെച്ചു. മുംബൈ താജ് പാലസ് ഹോട്ടലിൽ നിന്നുള്ള ഫോട്ടോഷൂട്ട് ചിത്രങ്ങളാണ് കാജൽ ഒടുവിലായി പങ്കുവെച്ചത്.

ചിത്രത്തിൽ പിങ്ക് ചുരിദാറാണ് കാജൽ ധരിച്ചിരിക്കുന്നത്. നീല കുർത്തയും പൈജാമയുമാണ് ഗൗതം ധരിച്ചിരിക്കുന്നത്.

യാത്രയ്ക്ക് തയ്യാറാണെന്ന് അറിയിച്ചുകൊണ്ട് കാജൽ പങ്കുവെച്ച ചിത്രം.

ഇതിനു പിന്നാലെയാണ് ഇരുവരും ഹണിമൂണിനുള്ള ഒരുക്കത്തിലാണെന്ന റിപ്പോർട്ടുകൾ പുറത്തുവന്നത്.