Kalyani Priyadarshan | വീട്ടിലെ പുതിയ തോട്ടക്കാരൻ, കണ്ടിട്ട് നല്ല മുഖപരിചയം, ആത്മാർത്ഥതയുമുണ്ട് എന്ന് കല്യാണി പ്രിയദർശൻ

ഇടയ്ക്കിടെ തന്റെ വിശേഷങ്ങളും ചിത്രങ്ങളും  നടി കല്യാണി പ്രിയദർശൻ ഇൻസ്റ്റഗ്രാമിൽ പോസ്റ്റ് ചെയ്യാറുണ്ട്. അടുത്തിടെ താരകുടുംബം അതീവ സന്തോഷത്തിലായിരുന്നു. അച്ഛനും മക്കളും ആദ്യമായി ഒന്നിച്ച ചിത്രം മൂന്ന് ദേശീയ പുരസ്‌കാരങ്ങൾ നേടിയിരുന്നു. ഇനിയും റിലീസ് ചെയ്തിട്ടില്ലാത്ത മരയ്ക്കാർ-അറബിക്കടലിന്റെ സിംഹം എന്ന സിനിമയിലാണ് പ്രിയദർശനും മകൾ കല്യാണിയും മകൻ സിദ്ധാർഥും ഒന്നിച്ച് പ്രവർത്തിച്ചത്

ഇപ്പോൾ കല്യാണി ഇൻസ്റ്റഗ്രാം സ്റ്റോറിയിൽ ഒരാളെ പരിചയപ്പെടുത്തുകയാണ്. വീട്ടിൽ പുതിയ തോട്ടക്കാരനെ കണ്ടു. നല്ല മുഖപരിചയമുണ്ട്. ആള് ജോലിയിൽ വളരെ ആത്മാർത്ഥത കാട്ടുന്നുണ്ട്. കണ്ണാടി ജനലിലൂടെ പകർത്തിയ വീഡിയോയാണ് കല്യാണി പോസ്റ്റ് ചെയ്തത്. ശേഷം മുട്ടിവിളിക്കുന്നതും കല്യാണി പറഞ്ഞയാൾ തിരിഞ്ഞുനോക്കുന്നുണ്ട് (തുടർന്ന് വായിക്കുക)

ലോക്ക്ഡൗൺ ആരംഭിച്ചതിൽ പിന്നെ സിനിമാ തിരക്കുകൾ ഒഴിഞ്ഞ കല്യാണിയുടെ അച്ഛൻ പ്രിയദർശനാണ് അത്. മലയാള സിനിമയ്ക്ക് സൂപ്പർഹിറ്റ്‌ ചിത്രങ്ങൾ സമ്മാനിച്ച പ്രിയദർശൻ എന്തായാലും ഒരു പ്രകൃതിസ്നേഹി കൂടിയാണ് എന്നതിന്റെ തെളിവായി ഈ വീഡിയോ

കല്യാണി മുട്ടിവിളിച്ചതും ഒന്ന് തിരിഞ്ഞ് നോക്കി ചിരിച്ച് വീണ്ടും തന്റെ ജോലിയിൽ ശ്രദ്ധ കേന്ദ്രീകരിക്കുകയാണ് പ്രിയദർശൻ

മരയ്ക്കാറിൽ അച്ഛന്റെ സംവിധാനത്തിൽ കല്യാണി ക്യാമറയ്ക്കുമുന്നിൽ