Kalyani Priyadarshan | വെള്ളിവെളിച്ചത്തിന്റെ ഗ്ലാമറല്ല പ്രചോദനം; സിനിമയിൽ വരാനുള്ള കാരണം വെളിപ്പെടുത്തി കല്യാണി പ്രിയദർശൻ

മോഹൻലാലിൻറെ മകൻ പ്രണവ് മോഹൻലാൽ നായകൻ, പ്രിയദർശന്റെ മകൾ കല്യാണി പ്രിയദർശൻ നായിക, സംവിധാനം ശ്രീനിവാസന്റെ മകൻ വിനീത് ശ്രീനിവാസൻ. ഇത്രയും ചേർന്ന സിനിമയാണ് 'ഹൃദയം'. ചിത്രീകരണം പൂർത്തിയാക്കിയതിന്റെ സന്തോഷം സോഷ്യൽ മീഡിയയിൽ പങ്കിടുകയാണ് കല്യാണി

അതോടൊപ്പം തന്നെ താൻ സിനിമയിൽ വരാനുള്ള കാരണവും കല്യാണി കുറിക്കുന്നു. സിനിമാ പാരമ്പര്യമുള്ള അച്ഛനമ്മമാരുടെ മകളായി ജനിച്ചെങ്കിലും ഒരിക്കലും മറ്റുള്ളവർ കരുതാൻ സാധ്യതയുള്ള പോലെ സിനിമയുടെ വെള്ളിവെളിച്ചമല്ല താൻ അഭിനയ രംഗത്തേക്ക് കടന്നു വരാനുള്ള കാരണമെന്ന് പ്രിയദർശന്റെയും ലിസിയുടെയും മകൾ കല്യാണി (തുടർന്ന് വായിക്കുക)

കുട്ടിക്കാലത്തെ തന്റെ അവധിക്കാലം എന്നാൽ അച്ഛന്റെ സിനിമകൾ നടക്കുന്ന സെറ്റുകളായിരുന്നു. അന്നൊന്നും അത്രയും സന്തോഷവാനായ മറ്റൊരാളെ താൻ കണ്ടിട്ടില്ല എന്ന് കല്യാണി. പ്രിയപ്പെട്ട കൂട്ടുകാർക്കൊപ്പം ഉച്ചത്തിൽ ചിരിക്കുകയും തമാശ പറയുകയും ചെയ്യുന്ന അച്ഛനെയാണ് കല്യാണി അവിടെ കണ്ടിട്ടുള്ളത്

അവരെല്ലാം അതീവ സന്തോഷം അനുഭവിക്കുന്നവരായിരുന്നു. അന്ന് മുതൽ സിനിമയിൽ വരണം എന്ന ആഗ്രഹം മനസ്സിലുണ്ടായി. വളർന്നു വരുമ്പോൾ അതുപോലൊരു ജീവിതം വേണമെന്നായി ആഗ്രഹം എന്ന് കല്യാണി. കഴിഞ്ഞ രണ്ടു മാസക്കാലം അച്ഛനെ പോലെയായി ആ ആഗ്രഹം സാധിക്കാൻ അവസരം ലഭിച്ചു

ജീവിതത്തിലെ ഏറ്റവും സന്തോഷം നിറഞ്ഞ ദിനങ്ങളിൽ ചിലത് അവിടെയായിരുന്നു എന്ന് കല്യാണി. അതിന്റെ ഭാഗമായുള്ള ഓരോ ആളെയും മിസ് ചെയ്യും എന്ന് പറഞ്ഞ ശേഷം പേരെടുത്ത് നന്ദി പറയുന്ന ഒരു കാർഡും കല്യാണി പോസ്റ്റ് ചെയ്തു. 'വരനെ ആവശ്യമുണ്ട്' സിനിമയാണ് കല്യാണിയുടെ ആദ്യ മലയാള ചിത്രം

ഏവർക്കും നന്ദി അറിയിച്ചുകൊണ്ടുള്ള കല്യാണിയുടെ പോസ്റ്റ്