National Award for Marakkar | സകുടുംബം പങ്കാളികളായ ആദ്യ ചിത്രത്തിന് തന്നെ ദേശീയ പുരസ്കാരങ്ങൾ; മനം നിറഞ്ഞ് പ്രിയദർശനും കുടുംബവും

ആദ്യമായി അച്ഛൻ പ്രിയദർശൻ, മകൾ കല്യാണി, മകൻ സിദ്ധാർഥ് എന്നിവർ വെള്ളിത്തിരയിൽ ഒന്നിച്ചപ്പോൾ പ്രിയദർശൻ കുടുംബത്തിലേക്ക് കടന്നു വന്നത് ദേശീയ പുരസ്കാരങ്ങൾ. കഴിഞ്ഞ ദിവസം പ്രഖ്യാപിക്കപ്പെട്ട ദേശീയ ചലച്ചിത്ര പുരസ്കാരങ്ങളിൽ മരയ്ക്കാർ-അറബിക്കടലിന്റെ സിംഹം സിനിമയ്ക്ക് മികച്ച ചിത്രത്തിനുള്ള പുരസ്കാരം ഉൾപ്പെടെ മൂന്നു പുരസ്കാരങ്ങൾ ലഭിക്കുകയുണ്ടായി

മോഹൻലാൽ നായകനായ മരയ്ക്കാറിലെ കോസ്റ്റ്യൂം ഡിസൈനിങ്ങിന് സുജിത്ത് സായിയും സ്‌പെഷ്യല്‍ ഇഫക്ടിനുള്ള പുരസ്‌കാരം സിദ്ധാര്‍ഥ് പ്രിയദര്‍ശനും സ്വന്തമാക്കി. സംസ്ഥാന പുരസ്കാരങ്ങളിലും സിദ്ധാർഥ് പുരസ്‌കാര മികവിൽ തിളങ്ങിയിരുന്നു

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ചിത്രം 2019ൽ പൂർത്തിയായിരുന്നു. 2020ൽ റിലീസ് ചെയ്യാൻ കാത്തിരുന്നപ്പോഴാണ് കോവിഡ് പൊട്ടിപ്പുറപ്പെടലും തുടർന്നുള്ള പ്രതിസന്ധിയും ഉടലെടുത്തത്. മഞ്ജു വാര്യർ, കീർത്തി സുരേഷ്, കല്യാണി എന്നിവർ നായികാ വേഷം ചെയ്യുന്നുണ്ട്

പക്ഷെ വീട്ടിൽ ഒരാൾ അൽപ്പം നിരാശയിലാണ്. തന്റെ അച്ഛൻ ഫോണിൽ തിരക്കുകളുടെ മുഴുകിയപ്പോൾ, വീട്ടിലെ വളർത്തുനായ ഒട്ടും 'അറ്റൻഷൻ' കിട്ടാത്തതിന്റെ പരിഭവത്തിലാണെന്നു കല്യാണി ഇൻസ്റ്റഗ്രാം സ്റ്റോറിയിൽ കുറിക്കുന്നു