Kalyani Priyadarshan | കല്യാണിക്കൊപ്പമുള്ള താരപുത്രനെ മനസ്സിലായോ? തന്നെ പൊട്ടിച്ചിരിപ്പിക്കുന്ന കൂട്ടുകാരന് പിറന്നാൾ ആശംസിച്ച് കല്യാണി പ്രിയദർശൻ

മലയാള സിനിമയിൽ ചില താരകുടുംബങ്ങൾ തമ്മിൽ വളരെ അടുപ്പമാണ്. അവരുടെ തലമുറകളിലൂടെ ആ സൗഹൃദം കൈമാറി വരുന്ന കാഴ്ചയും പ്രേക്ഷകർ കാണുന്നുണ്ട്. അത്തരമൊരു കുടുംബമാണ് സംവിധായകൻ പ്രിയദർശന്റേത്. ലിസിയുടെയും പ്രിയദർശന്റെയും മക്കളായ കല്യാണിയും സിദ്ധാർഥും മോഹൻലാലിൻറെ മകൻ പ്രണവും അത്തരത്തിൽ സുഹൃത്തുക്കളാണ്

എന്നാൽ കല്യാണിയുടെ കൂട്ടുകാരനായ മറ്റൊരു താര പുത്രനുമുണ്ട്. കഴിഞ്ഞ ദിവസം കൂട്ടുകാരന് പിറന്നാൾ ആശംസിച്ചിരിക്കുകയാണ് കല്യാണി. തന്നെ വളരെയധികം പൊട്ടിച്ചിരിപ്പിക്കുന്ന സുഹൃത്താണ്. ഒരുകാലത്ത് മലയാള സിനിമ അടക്കിവാണ താര ദമ്പതികളുടെ പുത്രനാണ് കല്യാണിക്കൊപ്പം. എന്തിനേറെ പറയുന്നു കല്യാണിയുടെ പേരിൽ നിന്നുപോലും ആ പേര് വായിച്ചെടുക്കാം. മുഖഛായയിൽ നിന്നും ആളെ തിരിച്ചറിയാൻ കഴിയുന്നുണ്ടോ? (തുടർന്ന് വായിക്കുക)

മരയ്ക്കാർ അറബിക്കടലിന്റെ സിംഹം എന്ന സിനിമയുടെ സെറ്റിൽ നിന്നും പകർത്തിയ ചിത്രമാണിത്. ഇതിൽ പ്രിയദർശനും മക്കളായ സിദ്ധാർഥ്, കല്യാണി എന്നിവർക്കൊപ്പമുള്ളയാളാണ് കല്യാണിയുടെ കൂട്ടുകാരൻ. ഈ ചിത്രത്തിൽ മൂന്നു താരകുടുംബങ്ങളിലെ ഇളമുറക്കാർ ഒന്നിച്ചു എന്ന പ്രത്യേകതയുണ്ട്

ഐ.വി. ശശി, സീമ ദമ്പതികളുടെ പുത്രൻ അനി ശശിയാണിത്. അനു, അനി എന്നിവരാണ് ഐ.വി. ശശിയുടെയും സീമയുടെയും മക്കൾ. മരയ്ക്കാറിനു പുറമെ റ്റെസ്, ഒപ്പം, സില സമയങ്ങളിൽ തുടങ്ങിയ സിനിമകളിൽ പ്രിയദർശന്റെ സഹായിയായി അനി പ്രവർത്തിച്ചിട്ടുണ്ട്

അനി ശശിക്ക് പിറന്നാൾ ആശംസിച്ചുകൊണ്ട് കല്യാണി പോസ്റ്റ് ചെയ്ത ഇൻസ്റ്റഗ്രാം സ്റ്റോറി

ഐ.വി. ശശിയും സീമയും മക്കൾക്കും മകളുടെ കുടുംബത്തിനുമൊപ്പം

അനുവിന്റെ വിവാഹവേളയിൽ സകുടുംബം ഐ.വി. ശശിയും സീമയും