Kangana Ranaut | കുടുംബ ജീവിതം മനസ്സിൽക്കണ്ട് കങ്കണ; പങ്കാളിയെക്കുറിച്ച് ചോദിച്ചപ്പോൾ നൽകിയ ഉത്തരം

ബോളിവുഡ് നടി കങ്കണ റണൗത്തിന് (Kangana Ranaut) പ്രൊഫഷണൽ രംഗത്ത് അഭിമാനകരമായ സമയമാണ്. ഇന്ത്യൻ രാഷ്ട്രപതിയുടെ കൈയിൽ നിന്നും അവർ പത്മശ്രീ പുരസ്കാരം അടുത്തിടെ സ്വീകരിച്ചിരുന്നു. അതേ ദിവസം തന്നെ കന്നി പ്രൊഡക്ഷൻ ടിക്കു വെഡ്‌സ് ഷേരു ആരംഭിച്ചു. മാത്രവുമല്ല, താരത്തിന്റെതായി അണിയറയിൽ നിരവധി ചിത്രങ്ങളുണ്ട്

ഇപ്പോൾ അവർ അവരുടെ സ്വകാര്യ ജീവിതത്തെക്കുറിച്ചും ഒരു കാഴ്ചപ്പാട് നൽകിയിരിക്കുന്നു. അടുത്തിടെ ഒരു അഭിമുഖത്തിൽ, അടുത്ത അഞ്ച് വർഷത്തിനുള്ളിൽ ഒരു കുടുംബം ഉണ്ടാകണമെന്ന തന്റെ ആഗ്രഹം അവർ തുറന്നു പറഞ്ഞു (തുടർന്ന് വായിക്കുക)

ടൈംസ് നൗവിനോട് സംസാരിക്കുമ്പോൾ, അഞ്ച് വർഷം കഴിഞ്ഞ്, വിവാഹിതയായി കുട്ടികളുമായി ജീവിക്കാൻ ആഗ്രഹിക്കുന്നുവെന്ന് അവർ പറഞ്ഞു. "അഞ്ച് വർഷത്തിനുള്ളിൽ ഒരു അമ്മയായും ഭാര്യയായും ഞാൻ എന്നെ കാണുന്നു. തീർച്ചയായും പുതിയ ഇന്ത്യയുടെ കാഴ്ചപ്പാടിൽ സജീവമായി പങ്കെടുക്കുന്ന ഒരാളായാണ് ഞാൻ എന്നെ കാണുന്നത്, ”അവർ പറഞ്ഞു

അഞ്ച് വർഷത്തിനുള്ളിൽ അമ്മയും ഭാര്യയും ആകാനുള്ള പ്രോജക്റ്റിൽ ജോലി ചെയ്യുന്നുണ്ടോ എന്ന് ചോദിച്ചപ്പോൾ ചിരിച്ചുകൊണ്ട് 'അതെ' എന്ന് കങ്കണ മറുപടി പറഞ്ഞു. പങ്കാളിയെക്കുറിച്ച് ചോദിച്ചപ്പോൾ പറഞ്ഞ മറുപടി ഇങ്ങനെ:

“നിങ്ങൾ ഉടൻ തന്നെ അറിയും.” താൻ ഇപ്പോൾ ജീവിതത്തിൽ സന്തോഷകരമായ ഒരു സ്ഥലത്താണെന്നും കങ്കണ കൂട്ടിച്ചേർത്തു, “സ്നേഹത്തിൽ അങ്ങനെയൊരു സ്ഥലമില്ല, അതെ, ഏതാണ്ട് അതുപോലെ.” കൂടുതൽ ചോദ്യം ചെയ്തപ്പോൾ, “നമുക്ക് മുന്നോട്ട് പോകാം. നിങ്ങൾ അറിയും. വളരെ പെട്ടെന്ന്," എന്നായിരുന്നു മറുപടി

മണികർണിക റിട്ടേൺസ്: ദി ലെജൻഡ് ഓഫ് ദിദ്ദ, എമർജൻസി, ധാക്കഡ്, തേജസ്, അപരാജിത അയോധ്യ, ദ ഇൻകാർനേഷൻ: സീത എന്നീ ചിത്രങ്ങളിലാണ് കങ്കണ റണാവത്ത് അടുത്തതായി അഭിനയിക്കുന്നത്