കരൺ ജോഹർ നിരവധി പേരുടെ ജീവിതവും കരിയറും നശിപ്പിച്ചു; ആരോപണവുമായി കങ്കണ റണൗട്ട്

ബോളിവുഡ് സംവിധയകനും നിർമാതാവുമായ കരൺ ജോഹറിനെതിരെ വീണ്ടും നടി കങ്കണ റണൗട്ട്. (Image:instagram)

ബോളിവുഡ് സിനിമാ മാഫിയയിലെ പ്രധാന കുറ്റവാളി കര‍ൺ ജോഹറാണെന്ന് കങ്കണ ആരോപിച്ചു. ട്വിറ്ററിലൂടെയാണ് കങ്കണയുടെ ആരോപണം.

പ്രധാനമന്ത്രിയെ ടാഗ് ചെയ്ത ട്വീറ്റിൽ കരൺ ജോഹർ നിരവധി പേരുടെ ജീവിതവും കരിയറും നശിപ്പിച്ചിട്ടും ഇപ്പോഴും അദ്ദേഹം സ്വതന്ത്രനായി നടക്കുകയാണെന്നും തങ്ങൾ ഇനിയും പ്രതീക്ഷിക്കണോ എന്നും ട്വീറ്റിൽ കങ്കണ ചോദിക്കുന്നു.

ബോളിവുഡ് നടൻ സുശാന്ത് സിങ് രജ്പുത്തിന്റെ മരണത്തിന് പിന്നാലെ ബോളിവുഡിലെ സ്വജനപക്ഷപാതത്തിനും വിവേചനത്തിനുമെതിരെ കങ്കണ റണൗട്ട് രൂക്ഷമായ ആരോപണങ്ങളും വിമർശനങ്ങളും നടത്തിയിരുന്നു. (Image:instagram)

താര പുത്രന്മാർക്കും പുത്രിമാർക്കും മാത്രമായി അവസരങ്ങൾ ലഭിക്കുന്നുവെന്നും കഴിവുള്ള മറ്റു നടീനടന്മാർക്ക് അവസരങ്ങൾ നിഷേധിക്കപ്പെടുന്നതായും കങ്കണ ആരോപിച്ചു. (Image:Instagram)

സുശാന്തിന്റെ മരണത്തിൽ മയക്കുമരുന്ന് ആരോപണവും ഉയർന്ന പശ്ചാത്തലത്തിൽ ഇതിനെ കുറിച്ചും കങ്കണ പ്രതികരിച്ചിരുന്നു. ബോളിവുഡിൽ നാർകോടിക്സ് അന്വേഷണം നടത്തിയാൽ നിരവധി പ്രമുഖ താരങ്ങൾ അഴിക്കുള്ളിലാകുമെന്നായിരുന്നു കങ്കണയുടെ പരാമർശം. (Image:Instagram)

താരങ്ങളുടെ രക്തം പരിശോധിച്ചാൽ ഞെട്ടിക്കുന്ന വിവരങ്ങൾ പുറത്തുവരുമെന്നും ഇതിനെ കുറിച്ച് തനിക്ക് നേരിട്ട് അറിയാമെന്നുമായിരുന്നു കങ്കണയുടെ പ്രതികരണം. ബോളിവുഡിലെ 99 ശതമാനം പേരും മയക്കുമരുന്ന് ഉപയോഗിക്കുന്നവരാണെന്നും കങ്കണ ആരോപിച്ചിരുന്നു. (Image:instagram)