പൂർണ്ണിമയുടെ ഫ്ളാറ്റിലെ കുട്ടികൾ ഭക്ഷണമുണ്ടാക്കി; രുചിക്കൂട്ടിൽ ഒരുങ്ങിയത് നിർധന വിദ്യാത്ഥികൾക്ക് പഠിക്കാനുള്ള ടി.വി സെറ്റുകൾ

ഓൺലൈൻ ക്‌ളാസിൽ പങ്കെടുക്കാൻ കഴിയാത്തതിൽ മനംനൊന്ത് ജീവിതം അവസാനിപ്പിച്ച പെൺകുട്ടിയുടെ വാർത്ത വേദനയോടെയാണ് കേരളം കേട്ടത്. ഇനിയൊരാൾക്കു കൂടി ആ ഗതി ഉണ്ടാവരുത് എന്ന് കരുതിയവരാണ് മലയാളികൾ. പലരും അതുകൊണ്ടു തന്നെ സഹായ ഹസ്തം നീട്ടി മുന്നോട്ടുവന്നു. ഈയവസരത്തിൽ തന്റെ ഫ്ളാറ്റിലെ സുമനസ്ക്കരായ കുട്ടികൾ ചെയ്ത കഥയുമായി പൂർണ്ണിമ ഇന്ദ്രജിത്

ഇന്ദ്രജിത്-പൂർണ്ണിമ കുടുംബം താമസിക്കുന്ന ഫ്ളാറ്റിലെ  വളരെ നന്നായി ഭക്ഷണം ഉണ്ടാക്കാൻ കഴിയുന്ന ഒരു സംഘം കുട്ടികൾ അപ്പാർട്മെന്റിലെ ഓരോ വീടും കയറിയിറങ്ങി. തങ്ങൾക്കുണ്ടാക്കാൻ കഴിയുന്ന വിഭവങ്ങളുടെ മെനുവുമായി അവർ ഓർഡർ എടുത്തു

ബിരിയാണിയും, ചപ്പാത്തിയും, ബട്ടർ ചിക്കനും, കരിക്കു പായസവും, കുക്കിയും, കപ്പ് കേക്കും എന്നിങ്ങനെ വിവിധ വിഭവങ്ങൾ ഒരുങ്ങി

ഉണ്ടാക്കിയ ഭക്ഷണം വിറ്റുകിട്ടിയ പണം കൊണ്ട് കുട്ടികൾ പിന്നീട് ചെയ്തത് മുതിർന്നവർക്കും മാതൃകയാക്കാവുന്ന കാര്യമാണ്

ഓൺലൈൻ ക്ളാസുകളിൽ പങ്കെടുക്കാൻ സൗകര്യമില്ലതിരുന്ന എട്ടു കുട്ടികൾക്ക് അവർ ആ തുക കൊണ്ട് ടെലിവിഷൻ സെറ്റുകൾ വാങ്ങി നൽകി

കുട്ടികൾ ചെയ്ത നല്ല പ്രവർത്തിയും, അവർ ഉണ്ടാക്കിയ ഭക്ഷണത്തിന്റെ വിവരവും അടങ്ങിയ പൂർണ്ണിമയുടെ ഇൻസ്റ്റാഗ്രാം സ്റ്റോറി ഇതാ