മത്തനോ തേങ്ങയോ അല്ല; ആഷിഖ് അബുവിന്റെ കയ്യിലെ ആ കായ വേണമെങ്കിൽ പൊന്നോളം വില നൽകണം

ഒരു മരത്തിന്റെ കായ വേണമെങ്കിൽ അതിന് പൊന്നിന്റെ വില കൊടുക്കണം എന്ന് ആരെങ്കിലും ചിന്തിക്കുമോ? അതെ, ചില കായ്കൾക്ക് അത്രയും വില വരും. കണ്ടാൽ മത്തനും തേങ്ങയ്ക്കും ഇടയിൽ ഉള്ള ഒരു ഇനം വിള എന്ന് തോന്നുന്ന, ഈ ചിത്രത്തിൽ ആഷിഖ് അബു കയ്യിൽ പിടിച്ചിരിക്കുന്ന കായ ആളത്ര നിസ്സാരക്കാരനല്ല കേട്ടോ

വിനോദയാത്രയ്ക്കിടെ പകർത്തിയ ചിത്രങ്ങളുമായി ഇൻസ്റ്റഗ്രാമിൽ എത്തിയ റിമ കല്ലിങ്കലാണ് വളരെ വിശേഷപ്പെട്ട ഈ കായ അവതരിപ്പിക്കുന്നത്. എന്നാൽ ഇതിന്റെ പേരല്ലാതെ റിമ വേറൊന്നും പറഞ്ഞിട്ടില്ല. ശേഷം ഗൂഗിളിൽ കയറി തപ്പനും നിർദ്ദേശം. എന്നാൽ ഗൂഗിളിൽ കയറി നോക്കുമ്പോഴാണ് ആളെ  ശരിക്കും മനസ്സിലാവുക. ഈ കായ അത്ര നിസ്സാരമായി തള്ളിക്കളയേണ്ടതല്ല

കോകോ ഡീ മേർ എൻഡെമിക് ഫോർ സെയ്ചെൽസ് എന്ന് ഇതിനു മുന്പെങ്ങാനും കേട്ടിട്ടുണ്ടോ? ബഹുഭൂരിപക്ഷം പേരും കേട്ടിരിക്കാൻ സാധ്യതയില്ല. 'സെക്സി' എന്നാണ് ഈ കായയുടെ വിശേഷണം പോലും. സെയ്ചെൽസ് എന്ന നാട് കണ്ടുപിടിക്കും മുൻപേ സമുദ്രതിരമാലകളിൽ തീരമണഞ്ഞ കായാണ് 'കോകോ ഡീ മേർ'. ഏറെക്കാലം ഇതിന്റെ മരം അറിയപ്പെടാതെ ഇരിക്കുകയും ചെയ്‌തു

കോകോ ഡീ മേർ എന്ന ഈ കായ ഒരെണ്ണം വേണമെങ്കിൽ 300 ഡോളർ അഥവാ 22,339.50 രൂപ നൽകണം. അതെ അരപ്പവൻ സ്വർണ്ണം  വാങ്ങാല്ലോ എന്ന് പലരും ഇതിനോടകം ചിന്തിച്ചു കാണും. അതേ, അത് തന്നെയാണ് ഈ കായയെ മറ്റുള്ളവയിൽ നിന്നും വേറിട്ട് നിർത്തുന്നതും. സെയ്‌ചെൽസിൽ പോയി വരുന്നവർ ഇതൊരു ഓർമ്മയായി ഒപ്പം കരുതാറുണ്ട്

ഈ കായക്ക് പോപ്പ് കോണിന്റെ ഗന്ധമാണുള്ളത്. പേരിൽ തേങ്ങയുടെ സാമ്യവുമുണ്ട്. ഏകദേശം പത്തു വർഷം കൊണ്ടാണ് കോകോ ഡീ മേർ പഴുക്കുന്നത്

എന്തായാലും താരങ്ങൾ ഉൾപ്പെടെയുള്ളവർ ഇതൊരെണ്ണം കിട്ടിയാൽ കൊള്ളാം എന്ന് റിമയുടെ പോസ്റ്റിന്റെ കമന്റ് സെക്ഷനിൽ ആഗ്രഹം പ്രകടിപ്പിച്ചിട്ടുണ്ട്