Krishanam Raju Passed Away: തെലുങ്ക് നടൻ കൃഷ്ണം രാജു അന്തരിച്ചു; വിടവാങ്ങിയത് ടോളിവുഡിലെ 'റിബൽ സ്റ്റാർ'

 ഹൈദരാബാദ്: പ്രമുഖ തെലുങ്ക് നടന്‍ യു കൃഷ്ണം രാജു അന്തരിച്ചു. 83 വയസ്സായിരുന്നു. ഇന്ന് രാവിലെയായിരുന്നു അന്ത്യം. എഐജി ആശുപത്രിയില്‍ ചികിത്സയിലായിരുന്നു അദ്ദേഹം. ടോളിവുഡില്‍ റിബല്‍ സ്റ്റാര്‍ എന്നാണ് അദ്ദേഹം അറിയപ്പെടുന്നത്. ബാഹുബലി താരം പ്രഭാസിന്റെ അമ്മാവന്‍ കൂടിയാണ് കൃഷ്ണം രാജു.  (Twitter/Photo)

 പ്രഭാസിന്റെ തന്നെ രാധേ ശ്യാമിലാണ് അവസാനമായി കൃഷ്ണം രാജു വേഷമിട്ടത്. ആത്മീയ ഗുരുവായിട്ടായിരുന്നു അഭിനയിച്ചത്. 1966മുതൽ തെലുങ്ക് സിനിമയില്‍ സജീവമായിരുന്നു കൃഷ്ണം രാജു. കുറച്ച് കാലം മാധ്യമപ്രവര്‍ത്തനമായിരുന്നു മേഖല. അതിന് ശേഷമാണ് സിനിമാ മേഖലയിലേക്ക് എത്തിയത്. (File/Photo)

 തുടക്കത്തില്‍ വില്ലന്‍ റോളുകളിലൂടെയാണ് കൃഷ്ണം രാജു ശ്രദ്ധിക്കപ്പെട്ടത്. പിന്നീട് നായക വേഷത്തിലേക്ക് മാറുകയായിരുന്നു. ഭക്ത കണ്ണപ്പ, കടക്ടല രുദ്രയ്യ എന്നിവയാണ് രാജുവിന്റെ പ്രമുഖ ചിത്രങ്ങള്‍. ബിജെപിയുടെ മുന്‍ എംപിയായിരുന്നു അദ്ദേഹം. എ ബി വാജ്‌പേയ് സര്‍ക്കാരില്‍ സഹമന്ത്രിയുമായിരുന്നു. ഭാര്യയും മൂന്ന് പെണ്‍കുട്ടികളുമാണ് രാജുവിനുള്ളത്. (Twitter/Photo)

തെലങ്കാന മുഖ്യമന്ത്രി കെ ചന്ദ്രശേഖര്‍ റാവു കൃഷ്ണം രാജുവിന്റെ മരണത്തില്‍ അനുശോചനം അറിയിച്ചു. തെലുങ്ക് നടനെന്ന നിലയിലും മന്ത്രിയെന്ന നിലയിലും ഒരുപാട് സംഭാവനകള്‍ അദ്ദേഹം നല്‍കിയിട്ടുണ്ടെന്നും കെസിആര്‍ പറഞ്ഞു.  (Twitter/Photo)

റിബല്‍ സ്റ്റാര്‍ എന്ന പേര്‍ 50 വര്‍ഷത്തെ കരിയറില്‍ അദ്ദേഹം സ്വന്തമാക്കിയിരുന്നു. ജനഹൃദയങ്ങളില്‍ അദ്ദേഹം ഇടംപിടിച്ചിരുന്നു. അത്രയ്ക്കും മികച്ച അഭിനയ ശൈലി അദ്ദേഹത്തിനുണ്ടായിരുന്നുവെന്നും, ഇത് തെലുങ്ക് സിനിമയുടെ നഷ്ടമാണെന്നും ചന്ദ്രശേഖര്‍ റാവു പറഞ്ഞു. (Twitter/Photo)

കെടിആറും കൃഷ്ണം രാജുവിന്റെ വിയോഗത്തില്‍ അനുശോചനം അറിയിച്ചു. കൃഷ്ണം രാജുവിന്റെ വിയോഗ വാര്‍ത്ത വേദനിപ്പിക്കുന്നു. തെലുങ്ക് സിനിമയിലെ എക്കാലത്തെയും പോപ്പുലര്‍ താരമായിരുന്നു അദ്ദേഹം. പ്രഭാസിനും മറ്റ് കുടുംബാംഗങ്ങളെയും അനുശോചനം അറിയിക്കുന്നുവെന്നും കെടിആര്‍ കുറിച്ചു.  (Twitter/Photo)

തനതായ മോഡുലേഷനും ഡയലോഗ് ഡെലിവറിയും കൊണ്ട് തന്റേതായ ഒരു പ്രത്യേക വ്യക്തിത്വവും ആരാധകരെയും നേടിയെടുത്ത നായകന്മാരിൽ ഒരാളാണ് കൃഷ്ണംരാജു.  .(Twitter/Photo)

കൃഷ്ണംരാജുവിന്റെ മുഴുവൻ പേര് ഉപ്പളപതി വെങ്കിട കൃഷ്ണംരാജു എന്നാണ്.1940 ജനുവരി 20 ന് പശ്ചിമ ഗോദാവരി ജില്ലയിലെ മൊഗൽത്തൂരിലാണ് അദ്ദേഹം ജനിച്ചത്.  (Twitter/Photo)

83-ാം വയസ്സിലും 55 വർഷത്തിലേറെയായി അദ്ദേഹം അഭിനേതാവാണ്. അവിസ്മരണീയമായ നിരവധി സിനിമകളിലൂടെ തെലുങ്ക് ചലച്ചിത്രമേഖലയിൽ മായാത്ത മുദ്ര പതിപ്പിച്ച കൃഷ്ണംരാജു പ്രേക്ഷകരുടെ ഹൃദയത്തിൽ എന്നും നിലനിൽക്കും. അദ്ദേഹത്തിന്റെ മരണത്തിൽ ന്യൂസ് 18 അഗാധമായ ദുഃഖം രേഖപ്പെടുത്തുന്നു.  (File/Photo)