ഞങ്ങളുടെ വീട്ടിലെ 'ഗുണ്ടുമണി'; 23 വർഷങ്ങൾക്ക് മുൻപുള്ള ചിത്രവുമായി കൃഷ്ണകുമാർ

23 വർഷങ്ങളുടെ പഴക്കമുണ്ട് ഈ ചിത്രത്തിന്. മക്കളിൽ ചബ്ബിയായ സുന്ദരിക്കുട്ടിയെ 'ഗുണ്ടുമണി' എന്ന് വിളിച്ചാണ് കൃഷ്ണകുമാർ ഈ ചിത്രം പോസ്റ്റ് ചെയ്യുന്നത്. കൊടൈക്കനാലിൽ വച്ചെടുത്ത ചിത്രമാണ്

ആ 'ഗുണ്ടുമണിക്കുട്ടിയാണ്' ഈ നിൽക്കുന്നത്. ഇന്നത്തെ മെലിഞ്ഞു സുന്ദരിയായ അഹാന. കൈക്കുഞ്ഞായിരിക്കെയുള്ള ചിത്രങ്ങൾ അഹാന തന്നെ പോസ്റ്റ് ചെയ്തിട്ടുണ്ട്. താൻ കുഞ്ഞുനാളിൽ ഒരു 'ഗുണ്ടുമണി' തന്നെയായിരുന്നു എന്നത് അഹാനയും സമ്മതിച്ചു നൽകിയ കാര്യമാണ്

മകൾ പണ്ടേ കുസൃതിയായിരുന്നു എന്നാണ് അമ്മ സിന്ധു പറഞ്ഞിട്ടുള്ളത്. അമ്മു എന്ന് വിളിക്കുന്ന അഹാനയെയും കൊണ്ട് ആദ്യമായി ഫോട്ടോ എടുക്കാൻ സ്റ്റുഡിയോയിൽ പോയ ചിത്രമാണിത്. കുറുമ്പിയായ അഹാനയെ ഫോട്ടോയ്ക്ക് പോസ് ചെയ്യിക്കാൻ പണിപ്പെട്ടിട്ടും നടക്കാതെ വന്ന ശേഷം ലഭിച്ച ചിത്രമാണിത്

വളർന്ന ശേഷം, ഒരു ഫോട്ടോയെടുക്കാൻ അമ്മയെ പണ്ട് പാടുപെടുത്തിയ കാര്യം മകളെ ഓർമ്മിപ്പിക്കാറുണ്ടെന്ന് സിന്ധു പറയുന്നു. പക്ഷെ ഇന്ന് വളരെ മനോഹരമായാണ് അഹാന ഫോട്ടോയ്ക്ക് പോസ് ചെയ്യുന്നതെന്നും സിന്ധു

അഹാനയാണ് മൂത്തകുട്ടി. പിന്നെ മൂന്നനുജത്തിമാർ. ദിയ, ഇഷാനി, ഹൻസിക എന്നിങ്ങനെയാണ് മറ്റു മൂന്നുപേരുടെയും പേര്.   ഇഷാനിയും ഹൻസികയും സിനിമയിലെത്തിയിട്ടുണ്ട്

ഏറ്റവും ഇളയ അനുജത്തി ഹൻസികയ്‌ക്കൊപ്പം അഹാന. ഇവർ തമ്മിൽ പത്തു വയസ്സിന്റെ വ്യത്യാസമുണ്ട്