ഇതെങ്ങനെ കണ്ടുകൊണ്ട് നിൽക്കും? കണ്ണുപൊത്തി ഇസ, ഒപ്പം ചാക്കോച്ചനും

ചാക്കോച്ചന്റെ കഴിഞ്ഞ രണ്ടു പിറന്നാളുകളിലും ചീഫ് ഗസ്റ്റ് ഇസഹാക് എന്ന മകൻ ഇസയാണ്. ഈ ഒന്നരവയസ്സുകാരൻ സെലിബ്രിറ്റി ആയില്ലെങ്കിലും അച്ഛന്റെ പ്രൊഫൈലിൽ കേറി ഓരോ പടത്തിനും കുന്നോളം ലൈക്ക്‌ വാങ്ങുന്ന കൊച്ചു മിടുക്കൻ കൂടിയാണ്.  വിശേഷാവസരങ്ങളിൽ ഇസയുടെ ചിത്രത്തിന് ആരാധകരുടെ പക്കൽ നിന്നും ഡിമാന്റുണ്ട് താനും

അൽപ്പം ലേറ്റ് ആയാലും ലേറ്റസ്റ്റ് ആയി വരണമല്ലോ. അതുകൊണ്ടു നവംബർ രണ്ടാം തിയതി ആഘോഷിച്ച പിറന്നാളിന്റെ ചിത്രം ചാക്കോച്ചൻ ഇപ്പോഴാണ് പോസ്റ്റ് ചെയ്തിരിക്കുന്നത്. അച്ഛനും മോനും കൂടി കണ്ണുപൊത്തി പിറന്നാൾ കേക്കിനു പിറകിൽ നിൽക്കുന്ന നിമിഷമാണ് മുകളിൽ കണ്ട ചിത്രം. ഇസൂന് കണ്ടുനിൽക്കാൻ വയ്യാത്തതുകൊണ്ടാണ് കണ്ണ് പൊത്തിയതെന്ന് ചാക്കോച്ചൻ. കേക്ക് അല്ല കേട്ടോ വിഷയം. സംഗതി ഇത്രേയുള്ളൂ

അച്ഛന് ഒരു വയസ്സ് കൂടി എന്നതാണത്രേ ഇസയുടെ സങ്കടം. അത് കണ്ടുനിൽക്കാൻ വയ്യാത്തതുകൊണ്ട് കണ്ണുപൊത്തി എന്നാണ് ചാക്കോച്ചൻ നൽകുന്ന  വിശദീകരണം

ഒന്നാം പിറന്നാളിന് മഞ്ജു വാര്യർക്കും അച്ഛനും അമ്മയ്ക്കുമൊപ്പം ഇസ

അഞ്ചാം പാതിരാ കാണാൻ ഇസ തിയേറ്ററിനുള്ളിൽ

ഇസയുടെ കളിപ്പാട്ടവുമായി ഒരു ചെറിയ മല്പിടുത്തതിൽ ഏർപ്പെട്ടിരിക്കുന്ന കുഞ്ചാക്കോ ബോബൻ