തട്ടേൽ കേറി തുടങ്ങിയതാ; അഞ്ചാം ക്‌ളാസിൽ അഭിനയിച്ച നാടകത്തിന്റെ ചിത്രവുമായി മലയാളികളുടെ പ്രിയ നായകൻ

മലയാള സിനിമയുടെ പ്രിയാ നായികാ-നായകന്മാരെല്ലാം കഴിഞ്ഞ കാലത്തെ ചികഞ്ഞെടുക്കുന്ന തിരക്കിലാണ്. കുട്ടിക്കാലം, സ്കൂൾ, കോളേജ് കാലം എന്നിങ്ങനെ പോകുന്നു അവരുടെ ഓർമ്മ പുതുക്കൽ. അത്തരത്തിൽ മലയാളികളുടെ പ്രിയ നായകൻ പങ്കിട്ട ചിത്രമാണ് ഈ കാണുന്നത്. ഇതിൽ അദ്ദേഹം എവിടെയെന്ന് പറഞ്ഞിട്ടില്ല. കണ്ടുപിടിക്കേണ്ട ചുമതല ആരാധകർക്കും പ്രേക്ഷകർക്കുമാണ്

ആളെക്കണ്ടുപിടിക്കാനുള്ള ഒരെളുപ്പ മാർഗം അദ്ദേഹത്തിന്റെ കുഞ്ഞു മകന്റെ മുഖ സാദൃശ്യവുമായി തട്ടിച്ചു നോക്കുകയാണെന്ന് ചിലർക്കെങ്കിലും തോന്നയ്‌കയില്ല

മുത്തച്ഛനും, അച്ഛനും, കൊച്ചുമകനുമെല്ലാം ഒരേ മുഖഛായ പേറുന്നവരാണെന്നു ഇതിനോടകം പ്രേക്ഷകർക്കും മനസ്സിലായി കഴിഞ്ഞു

കുഞ്ചാക്കോ ബോബനാണ് പ്രേക്ഷകരെ ഈ വെല്ലുവിളിക്ക് ക്ഷണിക്കുന്നത്. ഇതുവരെയും ഈ ചിത്രത്തിലെ താൻ ആരെന്ന് ചാക്കോച്ചനായിട്ട് പറഞ്ഞിട്ടില്ല. ചുവടെ കാണുന്ന ചാക്കോച്ചന്റേയും ഇസയുടെയും കുഞ്ഞുനാളുകളിലെ ചിത്രം നോക്കിയാൽ തന്നെ കാര്യം പിടികിട്ടും

കുഞ്ചാക്കോ ബോബനും പ്രിയയും കുഞ്ഞായിരുന്നപ്പോഴുള്ള ചിത്രത്തിന് നടുവിൽ കാണുന്നതാണ് ഇസ

അടുത്ത ആഴ്ചക്കുള്ളിൽ ആദ്യ പിറന്നാൾ ആഘോഷിക്കാനുള്ള തയാറെടുപ്പിലാണ് ഇസ എന്ന ഇസഹാക്

റിമി ടോമിക്കൊപ്പമുള്ള ഈ അപൂർവ ചിത്രം സൂക്ഷിച്ചു വച്ചതും ചാക്കോച്ചനാണ്