ജസ്പ്രീത് ബുംറ വിവാഹിതനാവുന്നു; വധു അനുപമ പരമേശ്വരനോ സഞ്ജന ഗണേശനോ എന്ന് തലപുകച്ച് ആരാധകർ

ഇന്ത്യൻ ഫാസ്റ്റ് ബൗളർ ജസ്പ്രീത് ബുമ്രയുടെ വിവാഹം ഉടനെ എന്ന വാർത്തയ്ക്കു പിന്നാലെ വധുവിനെക്കുറിച്ചുള്ള അഭ്യൂഹങ്ങളും തകൃതി. അഹമ്മദാബാദിലുള്ള ഇന്ത്യൻ ടീമിൽ നിന്നും വിവാഹം സംബന്ധിച്ച് സമയം വേണ്ടിയതിനാൽ വിടുതൽ ചെയ്യണം എന്ന് ബുംറ ആവശ്യപ്പെട്ടിരുന്നു. നടി അനുപമ പരമേശ്വരന്റെയും അവതാരക സഞ്ജന ഗണേശന്റെയും പേരുകളാണ് ഉയർന്നു കേൾക്കുന്നത്

വ്യക്തിപരമായ കാരണങ്ങൾ കൊണ്ട് അവധി ആവശ്യപ്പെട്ടു എന്നാണ് ക്രിക്കറ്റ് ബോർഡ് പുറത്തുവിട്ട ഔദ്യോഗിക വിശദീകരണത്തിൽ പറഞ്ഞിരിക്കുന്നത്. പിന്നീടാണ് ഇത് വിവാഹത്തിന് വേണ്ടി എന്ന തരത്തിൽ വാർത്ത പുറത്തുവന്നത്. ഏതാനും നാളുകൾക്കു മുൻപ് മലയാള താരം അനുപമയും ജസ്പ്രീതുമായി ഡേറ്റിംഗ് എന്ന തരത്തിൽ അഭ്യൂഹം പരന്നിരുന്നു (തുടർന്ന് വായിക്കുക)

തെലുങ്ക് സിനിമയിലും സജീവമായ അനുപമയെ ജസ്പ്രീത് ഇൻസ്റ്റഗ്രാമിൽ ഫോളോ ചെയ്യുന്നുണ്ടായിരുന്നു. ഇതാണ് ഊഹാപോഹങ്ങളുടെ അടിസ്ഥാനം. എന്നാൽ സംഭവം വിവാദമായതോടു കൂടി ജസ്പ്രീത് അനുപമയെ അൺഫോളോ ചെയ്തു

പക്ഷെ അനുപമ ഫോളോ ചെയ്യുന്നവരുടെ കൂട്ടത്തിൽ ജസ്പ്രീത് ഇപ്പോഴും ഉണ്ട്. അന്നുണ്ടായ അഭ്യൂഹങ്ങൾ അടിസ്ഥാനരഹിതമെന്ന് അനുപമ അറിയിച്ചിരുന്നു

ക്രിക്കറ്റ് അവതാരക സഞ്ജന ഗണേശന്റെ പേരും കേൾക്കുന്നുണ്ട്. സ്റ്റാർ സ്പോർട്സിലെ അവതാരകയുമായി ജസ്പ്രീത് ഡേറ്റിംഗിലാണ് എന്ന് റിപ്പോർട്ട് ഉണ്ടായിരുന്നു അന്ന് മുതലാണ് സഞ്ജനയുടെ പേരും കൂടെപോന്നത്. അടുത്തിടെ നടന്ന ഐ.പി.എൽ. ലേലത്തിന്റെ വേദിയിലും സഞ്ജന പങ്കെടുത്തിരുന്നു

നടി റാഷി ഖന്നയുടെ പേരും കേൾക്കാതെയില്ല. പൃഥ്വിരാജ് ചിത്രം 'ഭ്രമത്തിന്റെ' ഭാഗമാണ് റാഷി ഇപ്പോൾ. ഗോവയിലാവും ജസ്പ്രീതിന്റെ വിവാഹം എന്നാണ് സ്ഥിരീകരിക്കാത്ത റിപോർട്ടുകൾ