Malikappuram | 100 കോടിയുടെ വിജയം; ഉണ്ണി മുകുന്ദന്റെ 'മാളികപ്പുറം' ഇനി കാൻസർ രോഗികളുടെ ചികിത്സാ സഹായത്തിനായി അണിചേരും

100 കോടി തിളക്കത്തിൽ നിൽക്കുന്ന മലയാള ചിത്രം 'മാളികപ്പുറം' (Malikappuram), മലയാള ചരിത്രത്തിൽ ആദ്യമായി ഒരു സിനിമയുടെ വിജയത്തിന്റെ ഭാഗമായി ക്യാൻസർ രോഗികൾക്ക് വേണ്ടിയുള്ള സഹായ പദ്ധതി നടപ്പിലാക്കുന്നു. 2023 ഫെബ്രുവരി 3 വെള്ളിയാഴ്ച്ച രാവിലെ 10 മണിക്ക് കോഴിക്കോട് പാളയത്തുള്ള ഹോട്ടൽ മലബാർ പാലസിൽ വെച്ച് മാളികപ്പുറം ടീം പ്രഖ്യാപനം നടത്തും. മുതിർന്നവർക്കുള്ള പദ്ധതി പ്രഖ്യാപനം നടൻ ഉണ്ണി മുകുന്ദനും കുട്ടികൾക്കുള്ള പദ്ധതി പ്രഖ്യാപനം ബേബി ദേവനന്ദ, മാസ്റ്റർ ശ്രീപദ് എന്നിവരും നടത്തും

ആസ്റ്റർ മിംസ് ഹോസ്പിറ്റൽ, ആസ്റ്റർ വോളന്റിയേഴ്‌സ് എന്നിവയുടെ ആഭിമുഖ്യത്തിലാണ് ചികിത്സാസഹായം നടപ്പിലാക്കുന്നത്. കാൻസർ രോഗ നിർണയ ചികിത്സാ പദ്ധതികൾ, 15 വയസിൽ താഴെയുള്ള നിർധന കുടുംബങ്ങളിലെ കുഞ്ഞുങ്ങൾക്ക് സൗജന്യ ബോൺമാരോ ട്രാൻസ്‌പ്ലാന്റ്... (തുടർന്ന് വായിക്കുക)

മുതിർന്ന പൗരന്മാർക്ക് കാൻസർ ചികിത്സയ്ക്ക് പ്രത്യേക ആനുകൂല്യങ്ങൾ ഉൾപ്പെടെയുള്ള കാർഡ്, റേഡിയേഷൻ തെറാപ്പിക്ക് 50% ഇളവ്, റോബോട്ടിക് ഓൺകോസർജറി, ഓർത്തോ ഓൺകോസർജറി ഉൾപ്പെടെയുള്ള കാൻസർ സർജറികൾക്ക് പ്രത്യേക ഇളവും ലഭിക്കും

നവാഗതനായ വിഷ്ണു ശശിശങ്കർ സംവിധാനം ചെയ്ത ചിത്രം അയ്യപ്പ ഭക്തയായ പെൺകുട്ടിയുടെയും അവളുടെ കൂട്ടുകാരന്റെയും ശബരിമല ദർശനവുമായി ബന്ധപ്പെട്ടിരിക്കുന്നു