Mallika Sherawat | 'നിന്റെ അരക്കെട്ടിൽ മുട്ട പൊരിക്കണം!' നിർമ്മാതാവിന്റെ കമന്റിനെ കുറിച്ച് വെളിപ്പെടുത്തി മല്ലിക ഷെരാവത്ത്

'ദ ലവ് ലാഫ് ലൈവ് ഷോയുടെ' സമീപകാല എപ്പിസോഡിൽ ബോളിവുഡ് നടി മല്ലിക ഷെരാവത്ത് (Mallika Sherawat) ബോളിവുഡിലെ തന്റെ യാത്രയെക്കുറിച്ച് തുറന്നുപറഞ്ഞു കൊണ്ട് രംഗത്തെത്തിയിരുന്നു. ഈ ആഴ്ച ആദ്യം മന്ദിര ബേദി (Mandira Bedi) അവതരിപ്പിച്ച ടോക്ക് ഷോയിൽ മല്ലിക അതിഥിയായി എത്തിയിരുന്നു. മല്ലിക ചുവന്ന സാരി ചുറ്റിയാണ് എത്തിയത്. ഒരു അഭിനേതാവെന്ന നിലയിലുള്ള തന്റെ യാത്രയിലെ ചില സംഭവങ്ങൾ മല്ലിക പങ്കുവെക്കുകയുണ്ടായി

ഷോയുടെ ഒരു ഭാഗത്ത് മന്ദിര മല്ലികയോട് ഒരു ചോദ്യം ചോദിച്ചു. വളരെ വർഷങ്ങൾക്ക് മുൻപ് ഒരു നിർമ്മാതാവ് മല്ലികയോട് ആവശ്യപ്പെട്ട ഒരു കാര്യമാണ്. ഇന്ന് അവർ ആ ചോദ്യത്തെ ഒരു പൊട്ടിച്ചിരിയോട് കൂടിയാണ് നേരിട്ടത്. ആ സംഭവത്തെക്കുറിച്ച് മല്ലിക തന്നെ വിവരിക്കുന്നു (തുടർന്ന് വായിക്കുക)

'ഒരു നിർമ്മാതാവ് നിങ്ങളോട് എനിക്ക് നിങ്ങളുടെ വയറ്റിൽ ഒരു ചപ്പാത്തി ഉണ്ടാക്കണം അല്ലെങ്കിൽ നിങ്ങളുടെ അരയിൽ മുട്ട പൊരിച്ചെടുക്കണം എന്ന് പറഞ്ഞുവല്ലോ'? മന്ദിര ചോദിച്ചു. സംഭവത്തെക്കുറിച്ച് കേട്ടയുടനെ, മല്ലിക ചിരിക്കാൻ തുടങ്ങി, അത് സത്യമാണെന്ന് സ്ഥിരീകരിച്ചു. ശേഷം അങ്ങനെയുണ്ടായ സംഭവവും വിവരിച്ചു

നിർമ്മാതാവ് തന്നെ സമീപിച്ചത് എങ്ങനെയെന്ന് മല്ലിക പങ്കുവെച്ചു, 'മാഡം ഒരു ഗാനരംഗമുണ്ട്!' അയാൾ പറഞ്ഞു. 'അയാളുടെ വികലമായ ചിന്തയിൽ ഇത് വളരെ 'ഹോട്ട്' ഗാനമാണ്,' മല്ലിക പറഞ്ഞു. നിർമ്മാതാവ് പാട്ടിന്റെ ആശയം മല്ലികയോട് വിവരിച്ചു

അവർ അക്ഷരാർത്ഥത്തിൽ 'ഹോട്ട്' ആണെന്ന് പ്രേക്ഷകർക്ക് കാണിക്കാനുള്ള ഒരു മാർഗമായിരിക്കും ഈ ഗാനമെന്നായി നിർമ്മാതാവ്. 'നിങ്ങൾ വളരെ ഹോട്ടാണ്, നിങ്ങളുടെ അരയിൽ ചപ്പാത്തി പാകം ചെയ്യാം', നിർമ്മാതാവ് മല്ലികയോട് പറഞ്ഞത് ഇങ്ങനെയായിരുന്നു

പാട്ടിന്റെ ആശയത്തോടുള്ള തന്റെ പ്രതികരണം പങ്കുവെച്ച മല്ലിക അതിനെ ഒരു 'വിചിത്രമായ സങ്കൽപ്പം' എന്ന് വിശേഷിപ്പിക്കുകയും 'അങ്ങനെയൊക്കെ നിങ്ങൾ എപ്പോഴെങ്കിലും കേട്ടിട്ടുണ്ടോ?', മന്ദിരയോട് ചോദിക്കുകയും ചെയ്തു. മന്ദിര ഒരു നെടുവീർപ്പിട്ടു. അത്തരത്തിലുള്ള ഒരു ഗാനത്തിന്റെ ഭാഗമാകാൻ താൻ ഉടൻ തന്നെ വിസമ്മതിക്കുകയും നിർമ്മാതാവിനോട്, 'ഇല്ല, ഞങ്ങൾ അങ്ങനെയൊന്നും ചെയ്യുന്നില്ല,' എന്ന് മല്ലിക വ്യക്തമാക്കുകയും ചെയ്തു. . മുൻപൊരിക്കൽ, പറയുന്നത് പോലെ വഴങ്ങാത്തതിന് റോളുകൾ നഷ്‌ടമായതിനെക്കുറിച്ചും മല്ലിക വെളിപ്പെടുത്തിയിരുന്നു

2003ൽ സിനിമയിൽ അരങ്ങേറ്റം കുറിച്ച താരമാണ് മല്ലിക ഷെരാവത്. എന്നാൽ ചില കാര്യങ്ങൾക്ക് വഴങ്ങാത്തതിനാൽ ഒട്ടേറെ ചിത്രങ്ങൾ തനിക്ക് നഷ്‌ടമായെന്ന് മല്ലിക ഒരു അഭിമുഖത്തിൽ പറഞ്ഞു. സ്ക്രീനും ജീവിതവും തമ്മിൽ തനിക്കു അതിർവരമ്പുകളുണ്ടെന്നും മല്ലിക

താൻ വിശ്വസിക്കാത്ത ചില കാര്യങ്ങൾക്ക് വഴങ്ങാത്തതിനാൽ 30ഓളം ചിത്രങ്ങൾ നഷ്‌ടപ്പെട്ടു. സ്‌ക്രീനിൽ ചെയ്യുന്ന കഥാപാത്രങ്ങളും ജീവിതത്തിലെ താനും തമ്മിൽ ഒട്ടേറെ അന്തരമുണ്ട്. തുടക്കം മുതൽ ഇത്  വ്യക്തമാക്കിയിരുന്നു. അതിന് വിലയായി നൽകേണ്ടി വന്നത് കുറെയേറെ അവസരങ്ങളും

എന്നാൽ സ്വന്തം നിലയിൽ നിന്നു കൊണ്ടുതന്നെ അവസരങ്ങൾ ലഭിച്ചതിൽ സന്തോഷമുണ്ടെന്ന് മല്ലിക. ഇന്നത്തെ കാലത്ത്, ഈ മേഖല കൂടുതൽ സംഘടിതമാണ്. സ്ത്രീകൾക്ക് മികച്ച അവസരം ലഭിക്കുന്നുണ്ടിവിടെ

കുറച്ചുനാൾ മുൻപ്  ഒരു ഇന്റർനെറ്റ് ട്രോളിന്‌ മല്ലിക പ്രതികരിച്ചിരുന്നു. അവരുടെ ചിത്രങ്ങളാണ് രാജ്യത്തെ ബലാത്സംഗങ്ങൾക്ക് കാരണമെന്ന് ആരോപിച്ചായിരുന്നു ട്രോൾ. സ്ത്രീകളോടുള്ള പ്രാചീന ചിന്താഗതി മാറ്റിയില്ലെങ്കിൽ, ഒന്നും മാറില്ല എന്ന് മല്ലിക മറുപടി കൊടുത്തു

മോശം ചിന്താഗതി പുലർത്തുന്നവരെ കുറ്റപ്പെടുത്തുന്നതിനു പകരം സിനിമ, ഇന്റർനെറ്റ്, പാശ്ചാത്യ വസ്ത്രധാരണം എന്നിവയെല്ലാം ബലാത്സംഗത്തിന് കാരണമായി പറയപ്പെടുന്നു എന്ന് മല്ലിക. സ്ത്രീ ദൈവങ്ങളെ ആരാധിക്കുന്ന നാട്ടിൽ തന്നെ സ്ത്രീകൾ അപമാനിക്കപ്പെടുന്ന സാഹചര്യമാണുള്ളതെന്നും മല്ലിക

ഏറ്റവും ഒടുവിലായി 2019ൽ പുറത്തിറങ്ങിയ വെബ് സീരീസിലാണ് മല്ലിക വേഷമിട്ടത്. 'ബൂ സബ്കി ഫത്തേഗി' എന്ന സീരീസിലാണ് മല്ലിക അഭിനയിച്ചത്