'ഈ പ്രായത്തിലും ഇതാണ് സൗന്ദര്യ രഹസ്യം' മല്ലിക സുകുമാരൻ മരുമകൾ പൂർണ്ണിമയോടും കൊച്ചുമകളോടും നടത്തിയ വെളിപ്പെടുത്തൽ

പറയുമ്പോൾ രണ്ടു യുവനടന്മാരുടെ അമ്മയും ഒരുകാലത്തെ സിനിമയിലെ നിറസാന്നിധ്യമായിരുന്ന നടന്റെ ഭാര്യയും എന്ന് പറയാമെങ്കിലും, സിനിമയാകട്ടെ സീരിയലാകട്ടെ, കിട്ടുന്ന സീൻ എത്രയായാലും അതിൽ അടിപൊളി ഡയലോഗ് അവതരിപ്പിച്ച് കയ്യടി വാങ്ങിച്ചേ മല്ലിക സുകുമാരൻ അഭിനയിക്കാറുള്ളൂ

മൂത്ത മകൻ ഇന്ദ്രജിത്തിന്റെ വീട്ടിലെത്തിയാൽ മല്ലിക സുകുമാരൻ എന്ന അമ്മ പിന്നീട് രണ്ടു കുസൃതികുട്ടികളുടെ അമ്മൂമ്മയുടെ റോളിൽ തിരക്കിലാവും. പ്രാർത്ഥനയുടെയും നക്ഷത്രയുടെയും ഒപ്പം അവരുടെ കുറുമ്പുകളിൽ കുട്ടികളെക്കാൾ ചെറിയ കുട്ടിയായി കൂടും. രസകരമായ വീഡിയോകൾ പകർത്തി സോഷ്യൽ മീഡിയയിൽ ഇടുന്ന തിരക്കിലാവും അന്നേരം മരുമകൾ പൂർണ്ണിമ. ഇപ്പോൾ അത്തരമൊരു വീഡിയോയിൽ തന്റെ 'സൗന്ദര്യത്തിന്റെ രഹസ്യവുമായി' വരികയാണ് മല്ലിക സുകുമാരൻ (തുടർന്ന് വായിക്കുക)

പൂർണ്ണിമയുടെ വസ്ത്ര ബ്രാൻഡായ പ്രണായുടെ ഓണം കളക്ഷൻ ഇക്കുറി മല്ലിക അമ്മയ്ക്കു വേണ്ടിക്കൂടിയാണ്. മല്ലികാ സുകുമാരന്റെ യഥാർത്ഥ പേരായ 'മോഹമല്ലിക' എന്ന പേരിലാണ് പൂർണ്ണിമ ഇവ പുറത്തിറക്കിയത്. ഈ ആഘോഷവും ഒക്കെ ചേർത്താവും അമ്മ ഇക്കുറി ഇന്ദ്രജിത്തിനും കുടുംബത്തിനുമൊപ്പം എത്തിയത്. ആ കൂടിച്ചേരലിന്റെ സായാഹ്നവേളയിലാണ് അമ്മ രസകരമായ ഒരു വേളയിൽ പൂർണ്ണിമയുടെ ക്യാമറയുടെ മുന്നിൽപ്പെട്ടത്

കഴിഞ്ഞ ഞായറാഴ്ച വൈകുന്നേരം കയ്യിൽ സ്വന്തമായി തന്നെ ഒരു ഇൻജെക്ഷൻ എടുക്കുന്ന തിരക്കിലായിരുന്നു മല്ലിക. മറ്റൊന്നുമല്ല, ഇൻസുലിൻ. 'നച്ചു എന്നെ കുത്തി' എന്നു പറഞ്ഞ് പരിഭവം അഭിനയിച്ച അമ്മൂമ്മയെ കണ്ടു നക്ഷത്രയും ഒന്ന് പരുങ്ങി

ഇതാണ് ഈ പ്രായത്തിലും അമ്മയുടെ സൗന്ദര്യ രഹസ്യം എന്നുകൂടി കാച്ചിയിട്ടേ മല്ലിക സുകുമാരൻ തന്റെ ഇൻസുലിൻ സെഷൻ അവസാനിപ്പിച്ചുള്ളൂ. ചുറ്റും നിന്ന പൂർണ്ണിമയുടെയും നക്ഷത്രയുടെയും റിയാക്ഷൻ കാണാൻ കഴിയുന്നില്ലെങ്കിലും വായിച്ചെടുക്കാൻ കഴിയും

'മോഹമല്ലിക' പുടവ ചുറ്റിയ പൂർണ്ണിമ ഇന്ദ്രജിത്

ഈ ചിത്രം കണ്ടാലറിയാം പ്രായം കൂടിയെങ്കിലും ആ സൗന്ദര്യത്തിനു വലിയ കോട്ടമൊന്നും സംഭവിച്ചിട്ടില്ല എന്ന കാര്യം

മല്ലിക സുകുമാരന്റെ ചെറുപ്പകാലത്തെ ചിത്രം. പൂർണ്ണിമ പോസ്റ്റ് ചെയ്തത്

മല്ലിക സുകുമാരന്റെ ഒരു ബ്ലാക്ക് ആൻഡ് വൈറ്റ് കാല ചിത്രം

ഇന്ദ്രജിത്തിനും കുടുംബത്തിനുമൊപ്പമുള്ള മല്ലിക സുകുമാരന്റെ ചിത്രം

ഏതാനും വർഷങ്ങൾക്ക് മുൻപ് പ്രാർത്ഥനയും നക്ഷത്രയും മുത്തശ്ശിക്കൊപ്പം