കണ്ണെഴുതി പൊട്ടും തൊട്ട്: പുതിയ ലുക്കിൽ ആരാധകരെ ഞെട്ടിച്ച് മമ്മൂക്ക

വേഷപ്പകർച്ചകളിലൂടെയും ആരാധകരെ പലപ്പോഴും അമ്പരപ്പിച്ചിട്ടുള്ള സൂപ്പർതാരം മമ്മൂട്ടിയുടെ പുതിയ ലുക്ക് ആരാധകരെ ഞെ‍‍‍‍ട്ടിച്ചിരിക്കുകയാണ്.

വനിതയുടെ പുതിയ ലക്കത്തിലെ കവർചിത്രമായെത്തിയാണ് താരം ആരാധകരെ ഞെട്ടിച്ചിരിക്കുന്നത്. കണ്ണെഴുതി പൊട്ടു തൊട്ട് മമ്മൂക്കയുടെ ഒരു അതീവ സുന്ദരമായ ലുക്കാണ് കവർ ചിത്രം

എം.പദ്മകുമാർ സംവിധാനം ചെയ്യുന്ന മാമാങ്കമാണ് മമ്മൂട്ടിയുടെ അടുത്തിറങ്ങാനിരിക്കുന്ന ചിത്രം, ഇതിൽ സ്ത്രൈണ ഭാവത്തിൽ താരം എത്തുന്നുവെന്ന തരത്തിൽ റിപ്പോർട്ടുകൾ ഉണ്ടായിരുന്നു. കഥാപാത്രത്തിനായുള്ള വേഷപ്പകർച്ചയാണിതെന്നാണ് ആരാധകർ പറയുന്നത്

മമ്മൂട്ടിയും ചിത്രത്തിലെ തന്നെ അണിയറ പ്രവർത്തകരും സോഷ്യൽ മീഡിയ വഴി പങ്കുവച്ച ചിത്രം ഇതിനോടകം തന്നെ വൈറലായിക്കഴിഞ്ഞു. താരത്തിന്റെ സ്ത്രൈണഭാവത്തിലുള്ള സുന്ദരമായ ലുക്കിനെ അഭിനന്ദിക്കുമ്പോഴും സിനിമയിലെ സസ്പെൻസ് പൊളിച്ചുവെന്ന നിരാശയും ചിലർ പങ്കു വക്കുന്നുണ്ട്.

ഉണ്ണി മുകുന്ദന്‍, കനിഹ, അനു സിത്താര, സിദ്ദീഖ്, തരുണ്‍ അറോറ, സുദേവ് നായര്‍, സുരേഷ് കൃഷ്ണ, രതീഷ് കൃഷ്ണ, പ്രാചി തെഹ്ലാൻ, മാസ്റ്റര്‍ അച്യുതന്‍ തുടങ്ങി വമ്പൻ താരനിര അണിനിരക്കുന്ന മാമാങ്കം ബിഗ് ബജറ്റിലാണ് ഒരുങ്ങുന്നത്

മലയാളത്തിന് പുറമെ തമിഴ്, ഹിന്ദി, തെലുങ്ക് ഭാഷകളിലും ചിത്രം റിലീസ് ചെയ്യുന്നുണ്ട്. മാമാങ്കത്തിലെ ഗാനങ്ങൾ അടക്കം ഇപ്പോൾ തന്നെ ശ്രദ്ധ നേടിയിട്ടുണ്ട്.