അഭിനയിച്ച സിനിമയുടെ പോസ്റ്ററിൽ എന്റെ മുഖം വയ്ക്കാൻ ആരുടേയും സഹായം വേണ്ട; 'സ്വന്തം' പോസ്റ്ററുമായി മെറീന മൈക്കിൾ കുരിശിങ്കൽ

ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമിക്കുന്ന സണ്ണി വെയ്ൻ നായകനാകുന്ന 'പിടികിട്ടാപ്പുള്ളി' എന്ന സിനിമയുടെ ഫസ്റ്റ് ലുക്ക് പോസ്റ്റർ പൃഥ്വിരാജ്, മഞ്ജു വാര്യർ, ടോവിനോ തോമസ്, ഉണ്ണി മുകുന്ദൻ എന്നിവർ തങ്ങളുടെ ഫേസ്ബുക്ക് പേജിലൂടെ കഴിഞ്ഞ ദിവസം റിലീസ് ചെയ്തിരുന്നു സണ്ണി വെയ്ൻ, അഹാന കൃഷ്ണ എന്നിവരാണ് നായികാനായകന്മാർ

ജിഷ്ണു ശ്രീകണ്ഠൻ സംവിധാനം ചെയ്യുന്ന ചിത്രത്തിൽ ബൈജു സന്തോഷ്, സൈജു കുറുപ്പ്, ലാലു അലക്സ്, മേജർ രവി, അനൂപ് രമേശ്, കൊച്ചു പ്രേമൻ, കണ്ണൻ പട്ടാമ്പി, ചെമ്പിൽ അശോകൻ, ശശി കലിംഗ, മെറീന മൈക്കിൾ, പ്രവീണ തുടങ്ങിയവരാണ് മറ്റഭിനേതാക്കൾ. ഇപ്പോൾ മെറീന പോസ്റ്ററിൽ സ്വന്തം ചിത്രം ചേർത്തുവച്ച് ഒരു പോസ്റ്റുമായി വന്നിരിക്കുകയാണ് (തുടർന്ന് വായിക്കുക)

'അഭിനയിച്ച സിനിമയുടെ പോസ്റ്ററിൽ എന്റെ മുഖം വയ്ക്കാൻ ഒരു ഡിസൈനറുടെയും സഹായം വേണ്ടന്ന് പറയാൻ പറഞ്ഞ്...' എന്നാണ് ചിത്രത്തിന്റെ ക്യാപ്‌ഷൻ. ഒട്ടേറെപ്പേർ മറീനയുടെ പോസ്റ്ററിന് കയ്യടിയുമായി എത്തിക്കഴിഞ്ഞു. എന്നാൽ സംഭവം നിർമ്മാതാക്കളുടെ കണ്ണിൽപ്പെടുകയും, അവർ കമന്റ് ചെയ്യുകയും ചെയ്തു

'ശ്രദ്ധയിൽ പെട്ടിട്ടുണ്ട്, വേണ്ട നടപടി സ്വീകരിക്കാം' എന്നാണ് നിർമ്മാതാക്കൾ അവരുടെ ഇൻസ്റ്റഗ്രാം ഹാന്ഡിലിൽ നിന്നും പ്രതികരിച്ചിരിക്കുന്നത്. 'ഓ, വേണ്ട ശ്രദ്ധിച്ചെടുത്തോളം മതി എന്നായി മറീന'

വളരെ നേരത്തെ ചിത്രീകരണം ആരംഭിച്ച സിനിമയാണ് പിടികിട്ടാപ്പുള്ളി. ഛായാഗ്രഹണം അൻജോയ് സാമുവൽ നിർവ്വഹിക്കുന്നു. സുമേഷ് വി. റോബിൻ തിരക്കഥയും സംഭാഷണവുമെഴുതുന്നു. വിനായക് ശശികുമാറിന്റെ വരികൾക്ക് പി.എസ്. ഹരി സംഗീതം പകരുന്നു. എഡിറ്റർ- ബിബിൻ പോൾ സാമുവൽ, കോ പ്രൊഡ്യൂസർ-വി സി പ്രവീൺ, ബൈജു ഗോപാലൻ, എക്സിക്യൂട്ടീവ് പ്രൊഡ്യൂസർ- കൃഷ്ണമൂർത്തി, സുധാകർ ചെറുകുറു, പ്രൊഡക്ഷൻ കൺട്രോളർ- ബിനു മുരളി. കല- ശ്രീകുമാർ കരിക്കൂട്ട്, മേക്കപ്പ്- റോണക്സ് സേവ്യർ, വസ്ത്രാലങ്കാരം-ധന്യ ബാലകൃഷ്ണൻ, ചീഫ് അസോസിയേറ്റ് ഡയറക്ടർ- രാകേഷ് കെ. രാജൻ, അസോസിയേറ്റ് ഡയറക്ടർ- എം എസ് നിതിൻ, ആക്ഷൻ- ജോളി ബാസ്റ്റിൻ, സ്റ്റിൽസ്-ജിയോ മുരളി, പരസ്യകല- ഷിബിൻ സി. ബാബു, പ്രൊഡക്ഷൻ മാനേജർ- റിയാസ് പട്ടാമ്പി, വാർത്താ പ്രചരണം- എ. എസ്. ദിനേശ്