Masaba Gupta | പിതാവ് വിവിയൻ റിച്ചാർഡ്സിനൊപ്പമുള്ള കുട്ടിക്കാലം വിവരിച്ച് മസാബ ഗുപ്ത
അച്ഛനെക്കുറിച്ച് നീന ഗുപ്തയുടെയും വിവിയൻ റിച്ചാർഡ്സിന്റെയും മകൾ മസാബ ഗുപ്ത
ബോളിവുഡ് നടി നീന ഗുപ്തയുടെ (Neena Gupta) മകളും ഫാഷൻ ഡിസൈനറുമായ മസാബ ഗുപ്ത (Masaba Gupta) പിതാവും മുൻ ക്രിക്കറ്റ് താരവുമായ വിവിയൻ റിച്ചാർഡ്സിനൊപ്പമുള്ള തന്റെ ബാല്യകാലം അനുസ്മരിച്ചു. നീനയും വെസ്റ്റ് ഇൻഡീസിന്റെ മുൻ ക്രിക്കറ്റ് താരവും 1989ൽ മകൾ മസാബയെ സ്വീകരിച്ചു. ഇവർ വിവാഹിയാതരാകാതെയാണ് മകൾക്ക് നീന ജന്മം നൽകിയത്. നീനയാണ് മകളെ വളർത്തിയത്. പിന്നീട് 2008ൽ നീന വിവേക് മെഹ്‌റയെ വിവാഹം കഴിച്ചു
കേളി ടെയ്ൽസിനോട്‌ സംസാരിക്കുമ്പോൾ, ഫാഷൻ ഡിസൈനർ ആയ മസാബ തന്റെ കുട്ടിക്കാലത്ത് ലോകം ചുറ്റി സഞ്ചരിച്ച കാര്യം പറഞ്ഞു. "ഞാൻ എന്റെ കുട്ടിക്കാലം ചെലവഴിച്ചത് ലോകം ചുറ്റി സഞ്ചരിക്കുന്നതിനാണ്, ഇത് ഒരു കുട്ടിയുടെ ഏറ്റവും മികച്ച അവസ്ഥയാണെന്ന് ഞാൻ കരുതുന്നു. പക്ഷേ ഞാൻ ജനിച്ചതും വളർന്നതും ബോംബെയിലാണ്, ഞാൻ ഒരു ഹാർഡ്‌കോർ മുംബൈ പെൺകുട്ടിയാണ്. വാസ്തവത്തിൽ, ജോലിക്ക് വേണ്ടിയോ മറ്റെന്തെങ്കിലുമോ ആയിട്ടല്ലെങ്കിൽ എനിക്ക് മറ്റൊരു നഗരത്തിൽ ആയിരിക്കാൻ കഴിയില്ല. ഞാൻ എപ്പോഴും ഒരു ജുഹു പെൺകുട്ടിയാണ്, അതാണ് എന്റെ അയല്പക്കം," മസാബ പറഞ്ഞു. അച്ചനൊപ്പമുള്ള ഓർമ്മകളും മസാബ അയവിറക്കി (തുടർന്ന് വായിക്കുക)
'എനിക്ക് സമയം കിട്ടുമ്പോഴോ, സ്കൂളിൽ നിന്നുള്ള ഇടവേളയോ മറ്റെന്തെങ്കിലുമോ ഉള്ളപ്പോഴെല്ലാം ഞങ്ങൾ എപ്പോഴും എവിടെയെങ്കിലും വിമാനത്തിൽ പോകുമായിരുന്നു. അക്കാലത്ത് എന്റെ അച്ഛൻ വളരെ സജീവമായി കമന്ററി ചെയ്യുകയായിരുന്നു, ഞങ്ങൾ അദ്ദേഹത്തോടൊപ്പം യാത്ര ചെയ്യുമായിരുന്നു. ഞങ്ങൾ ഇംഗ്ലണ്ടിലേക്കും ആഫ്രിക്കയിലേക്കും പോകും, ഞങ്ങൾ എല്ലായിടത്തും പോകും. അതെ, ഞാൻ എപ്പോഴും പറയാറുണ്ട്, ഞാൻ ഒരു യാത്ര ചെയ്യുന്ന കുഞ്ഞാണ്, പക്ഷേ എന്റെ ഹൃദയം മുംബൈയിലാണ്...
ഒരു പഴയ അഭിമുഖത്തിൽ, തന്റെ ജീവിതത്തിൽ മസാബയുടെ പിതാവ് വിവിയൻ റിച്ചാർഡ്‌സിന്റെ സാന്നിധ്യത്തെക്കുറിച്ച് നീന തുറന്ന് പറഞ്ഞിരുന്നു. വിവിയൻ തങ്ങളുമായി സമ്പർക്കം പുലർത്തുന്നില്ലെന്ന് തോന്നിയതിനാൽ അവരുടെ മകൾ വളരെ അസ്വസ്ഥയായിരുന്നുവെന്ന് അവർ വെളിപ്പെടുത്തി. പിന്നീട്, താൻ മസാബയെ അവളുടെ പിതാവിനെ മനസ്സിലാക്കാൻ സഹായിച്ചു
മകളുടെ പിറന്നാൾ പോലുള്ള ചില പ്രത്യേക അവസരങ്ങളിൽ അദ്ദേഹം വിളിക്കാറുണ്ടായിരുന്നു. ചിലപ്പോൾ അമ്മയെയും മകളെയും കാണാൻ പോലും വരുമായിരുന്നു. എന്നാൽ പിന്നീട് മൂന്ന് വർഷത്തോളം അദ്ദേഹം പൂർണ്ണമായും അപ്രത്യക്ഷനായി. എന്നിരുന്നാലും, അവൾക്ക് 20 വയസ്സ് തികഞ്ഞതിന് ശേഷം, അദ്ദേഹം ബന്ധപ്പെടാറുണ്ടായിരുന്നു. വിവിയൻ 'നെറ്റ് സാവി' അല്ലാത്തതിനാൽ, സമ്പർക്കത്തിൽ തുടരുന്നത് ബുദ്ധിമുട്ടാണെന്ന് അവർ വിശദീകരിച്ചു
