Masaba Gupta wedding: വിവിയൻ റിച്ചാർഡ്‌സ് പറന്നിറങ്ങി; മകൾ മസാബയ്ക്ക് മാംഗല്യം

നീന ഗുപ്‌തയുടെയും വിവിയൻ റിച്ചാർഡ്സിന്റെയും മകളും പ്രശസ്ത ഫാഷൻ ഡിസൈനറുമായ മസാബ ഗുപ്ത (Masaba Gupta) വിവാഹിതയായി. നടൻ സത്യദീപ് മിശ്രയാണ് മസാബയുടെ വരൻ. 'മസാബ മസാബ' എന്ന സീരീസിൽ വച്ചുള്ള പരിചയമാണ് വിവാഹത്തിലെത്തിയത് എന്ന് മസാബ. ഇത് മസാബയുടെ രണ്ടാം വിവാഹമാണ്. മകളുടെ വിവാഹത്തിന് പിതാവ് വിവിയൻ നാട്ടിലെത്തിയിട്ടുണ്ട്

മസാബയുടെ ഫാഷൻ ഹൌസ് ആയ 'ഹൌസ് ഓഫ് മസാബ' ഡിസൈൻ ചെയ്ത വസ്ത്രങ്ങളാണ് വധൂവരന്മാരും അടുത്ത ബന്ധുക്കളും ധരിച്ചത്. വളരെ കുറച്ചു പേർ മാത്രമേ വിവാഹത്തിൽ പങ്കെടുത്തുള്ളൂ. തന്റെ വേണ്ടപ്പെട്ടവരായി ആരെല്ലാം വിവാഹത്തിൽ പങ്കെടുത്തു എന്ന് മസാബ തന്നെ പറഞ്ഞിട്ടുണ്ട് (തുടർന്ന് വായിക്കുക)

'എന്റെ പിതാവ് കരീബിയനിൽ നിന്നും പറന്നിറങ്ങി. എന്റെ അച്ഛൻ, അമ്മ, രണ്ടാനച്ഛൻ, അമ്മായിയമ്മ, നാത്തൂൻ എന്നിങ്ങനെ എല്ലാവരും ഒരു മുറിക്കുള്ളിലെ ആഘോഷത്തിൽ പങ്കെടുക്കുന്നത് ഇതാദ്യമായാവും. ഇതെന്റെ ജീവിതത്തിലെ ഏറ്റവും വലിയ നിമിഷമാണ്. അത് തീർത്തും ഇന്റിമേറ്റ് ആവാൻ ഞാൻ ശ്രദ്ധിച്ചു' എന്ന് മസാബ

ചെലവ് ചുരുക്കിയുള്ള വിവാഹമാണ് മസാബ തിരഞ്ഞെടുത്തത്. കല്യാണം എന്ന പേരിൽ ആർഭാടം കാട്ടുന്നതിനോട് മസാബ യോജിക്കുന്നില്ല. മഹാറാണി ഗായത്രി ദേവിയിൽ നിന്നും പ്രചോദനം ഉൾക്കൊണ്ടുകൊണ്ടാണ് മസാബ തന്റെ വിവാഹ വസ്ത്രങ്ങൾ ഒരുക്കിയത്

രസമെന്തെന്നാൽ, 'മസാബ മസാബ' സീരീസിൽ മസാബയുടെ മുൻഭർത്താവിന്റെ റോളിൽ അഭിനയിച്ചത് സത്യദീപ് ആണ്. കുർത്ത- പജാമയാണ് വരന്റെ വേഷം. ഭംഗിയുള്ള ലെഹങ്കയാണ് മസാബ ധരിച്ചത്

നിയമപരമായ വിവാഹമാണ് നടത്തിയത്. തനിക്കും സത്യദീപിനും വേണ്ടപ്പെട്ട 80-85 പേര് മാത്രമാണ് വിവാഹത്തിൽ പങ്കെടുത്തത് എന്ന് മസാബ വ്യക്തമാക്കി