Meera Jasmine | ഇനിയൊരു ഗ്ലാമറസ് തിരിച്ചു വരവ്; പുത്തൻ ഫോട്ടോഷൂട്ടുമായി മീര ജാസ്മിൻ

മടങ്ങിവരവിൽ മീര ജാസ്മിൻ (Meera Jasmine) ഗ്ലാമർ ചിത്രങ്ങളുമായി ഇൻസ്റ്റഗ്രാമിൽ. പ്രായത്തെ വെല്ലുന്ന ലുക്ക് പുലർത്തുന്ന താരങ്ങളിൽ ഇനി മീരയുടെ പേരും കൂടി. സത്യൻ അന്തിക്കാട് സംവിധാനം ചെയ്യുന്ന സിനിമയിൽ ജയറാമിന്റെ നായികയായാണ് മീരയുടെ മടങ്ങിവരവ്. 'മകൾ' എന്നാണ് സിനിമയുടെ പേര്. ഏറെ നാളുകൾക്കു ശേഷമാണ് മീര നായികാവേഷം ചെയ്ത് മലയാള സിനിമയിൽ വരുന്നത് (ചിത്രം: ഇൻസ്റ്റഗ്രാം)

അടുത്തിടെയാണ് മീര ജാസ്മിൻ ഇൻസ്റ്റഗ്രാം അക്കൗണ്ട് തുറന്നത്. 24 മണിക്കൂർ തികയും മുൻപ് തന്നെ മീരയ്ക്ക് ഒരു ലക്ഷത്തോളം ഫോളോവേഴ്സ് ഉണ്ടായി. നിലവിൽ 176K ആണ് മീരയുടെ ഫോളോവേഴ്‌സിന്റെ ഏറ്റവും പുതിയ എണ്ണം. ആകെ മൂന്നു പോസ്റ്റുകൾ മാത്രമാണ് മീര ചെയ്തിട്ടുള്ളത് (ചിത്രം: ഇൻസ്റ്റഗ്രാം) -തുടർന്ന് വായിക്കുക-

'വിജയദശമി ദിനത്തിൽ മീര ജാസ്മിൻ വീണ്ടും ക്യാമറക്കു മുന്നിലെത്തി. പറഞ്ഞറിയിക്കാനാവാത്ത ആഹ്ലാദമാണ് സെറ്റിലാകെ. എത്രയെത്ര ഓർമ്മകളാണ്. രസതന്ത്രത്തിൽ ആൺകുട്ടിയായി വന്ന 'കൺമണി'. അമ്മയെ സ്നേഹം കൊണ്ട് കീഴ്പ്പെടുത്തിയ 'അച്ചു'. ഒരു കിലോ അരിക്കെന്താണ് വിലയെന്ന് ചോദിച്ച് വിനോദയാത്രയിലെ ദിലീപിനെ ഉത്തരം മുട്ടിച്ച മിടുക്കി...

മീര ഇവിടെ ജൂലിയറ്റാണ്. കൂടെ ജയറാമും, ദേവികയും, ഇന്നസെന്റും, സിദ്ദിഖും, കെ പി എ സി ലളിതയും, ശ്രീനിവാസനുമൊക്കെയുണ്ട്. കേരളത്തിലെ തിയ്യേറ്ററുകളിലൂടെത്തന്നെ ഞങ്ങളിവരെ പ്രേക്ഷകരുടെ മുന്നിലേക്കെത്തിക്കാനുള്ള ഒരുക്കത്തിലാണ്,' സത്യൻ അന്തിക്കാട് ഫേസ്ബുക്ക് പോസ്റ്റിൽ ഇങ്ങനെ കുറിച്ചു

'ഭ്രമം' സിനിമയുടെ വിദേശ സ്‌ക്രീനിങ്ങിൽ ഉണ്ണി മുകുന്ദനൊപ്പം മീര ജാസ്മിൻ

മീര ജാസ്മിൻ