Meghana Raj | ജൂനിയർ ചിരുവിനൊപ്പം കളിയ്ക്കാൻ കാത്തുനിന്നില്ല; വേർപാടിന്റെ നൊമ്പരവുമായി മേഘ്ന രാജ്

ഒരു ഇഷ്‌ടനായികയുടെ ദുഃഖത്തിനൊപ്പം ഭാഷയുടെയും ദേശത്തിന്റെയും അതിർവരമ്പുകളില്ലാതെ പലരും വിതുമ്പിയെങ്കിൽ അത് മേഘ്ന രാജിനൊപ്പമായിരിക്കും. പിറക്കാനിരിക്കുന്ന കൺമണിയെ ഒരു നോക്ക് കാണാൻ നിൽക്കാതെയായിരുന്നു മേഘ്‌നയുടെ ഭർത്താവ് ചിരഞ്ജീവി സർജ്ജയുടെ വേർപാട്. അതിന് ശേഷം മേഘ്ന വളരെ ദുഃഖിച്ച ഒരു വിയോഗം കൂടി സംഭവിച്ചിരിക്കുന്നു

ഈ വിയോഗത്തോട് കൂടി തന്റെ വീട് ഒരിക്കലും പഴയതുപോലാവില്ല എന്ന് മേഘ്ന. ജൂനിയർ ചിരുവിനൊപ്പം കളിക്കാനും കുഞ്ഞിനെ പുറത്തേറ്റി നടക്കാനുമൊക്കെയുള്ള സ്വപ്നം ഇതോടു കൂടി വിഫലമായിരിക്കുന്നു. വീട്ടിൽ വരുന്ന ഓരോ സന്ദർശകരും ആദ്യം തന്നെ അന്വേഷിച്ചിരുന്നവരിൽ ഒരാൾ ഇനിയില്ല (തുടർന്ന് വായിക്കുക)

മേഘ്‌നയുടെ വളർത്തുനായയായ ബ്രൂണോയ്ക്കു കുഞ്ഞുങ്ങളെ അത്ര പഥ്യമല്ല. എന്നാൽ ജൂനിയർ ചിരുവിനോട് അവൻ വളരെ നന്നായി പെരുമാറിയിരുന്നു. ഒരുപക്ഷെ അവന്റെ ഉടമയെ തിരിച്ചറിഞ്ഞിരിക്കും. കഴിഞ്ഞ ദിവസമാണ് ബ്രൂണോ ഈ ലോകം വിട്ടു പോയത്

ഇപ്പോൾ ബ്രൂണോ ചിരുവിനൊപ്പം ആയിരിക്കും എന്ന ഹൃദയ സ്പർശിയായ വാചകത്തോടെയാണ് മേഘ്ന ഈ കുറിപ്പ് അവസാനിപ്പിക്കുന്നത്. എപ്പോഴത്തെയും പോലെ അവിടെയും ചിരുവിനെ ബ്രൂണോ ബുദ്ധിമുട്ടിക്കുകയായിരിക്കും എന്ന് മേഘ്ന കരുതുന്നു

തന്റെ ഉറ്റ ചങ്ങാതി എന്നാണ് ബ്രൂണോയെ മേഘ്ന വിശേഷിപ്പിക്കുന്നത്. തനിക്ക് ഒട്ടേറെ നഷ്‌ടങ്ങൾ സംഭവിച്ചിട്ടുണ്ട് എന്ന് മേഘ്ന

കഴിഞ്ഞ മാസമാണ് മേഘ്ന മകന്റെ ആറാം മാസത്തെ പിറന്നാൾ ആഘോഷിച്ചത്. ജൂൺ മാസത്തിൽ ചിരഞ്ജീവിയുടെ വേർപാടിന്റെ ഒന്നാം വാർഷികമാണ്