Happy birthday Mohanlal | ലാലേട്ടന്റെ പിറന്നാളിന് പഴങ്ങൾ കൊണ്ടലങ്കരിച്ച കേക്ക്; മധുരം നൽകി സുഹൃത്ത് സമീർ ഹംസ

മോഹൻലാലിൻറെ 61-ാം പിറന്നാളിന് ആരാധകരും സിനിമാ ലോകവും തയാറെടുപ്പുകൾ ആരംഭിച്ചിട്ട് ഏറെ ദിവസങ്ങളായി. ഇക്കുറി എല്ലാം സൈബർ ലോകത്തെ ഒരുക്കങ്ങളാണ്. കോവിഡ് കാലത്ത് ഫാൻസിന്റെ ആഘോഷങ്ങളെല്ലാം വീടുകളിൽ ചുരുങ്ങിയിരിക്കുന്നു. എന്നാൽ ലാലേട്ടനും അതിന് ഒരുത്തമ മാതൃക കാട്ടിയിട്ടുണ്ട്. ആർഭാടങ്ങളില്ലാതെയുള്ള പിറന്നാളാണ് അദ്ദേഹത്തിനിന്ന്. പിറന്നാൾ ചിത്രങ്ങൾ സുഹൃത്ത് സമീർ ഹംസ പോസ്റ്റ് ചെയ്തിട്ടുണ്ട്

സീസണൽ പഴങ്ങൾ കൊണ്ടലങ്കരിച്ച കേക്കാണ് ലാലേട്ടന് വേണ്ടി ഒരുങ്ങിയിരിയത്. നാല് പഴങ്ങൾ കൊണ്ട് തീർത്തും ലളിതമായി അലങ്കരിച്ച കേക്കിന്റെ പ്രതലത്തിൽ 'Happy Birthday Lal' എന്ന് എഴുതിയിട്ടുണ്ട്. ശേഷം സമീർ ഹംസ ലാലേട്ടന് മധുരം പങ്കിടുന്ന ചിത്രവുമുണ്ട് (തുടർന്ന് വായിക്കുക)

പിറന്നാൾ ദിനത്തിൽ ആദ്യം പുറത്തു വന്ന ചിത്രങ്ങളാണിത്. അതിനാൽ ഇനി കൂടുതൽ ആഘോഷങ്ങൾ ഉണ്ടോ എന്നറിയാൻ കാത്തിരിക്കാം. മാത്രവുമല്ല, വീട്ടിൽ സുരക്ഷിതരായിരിക്കൂ എന്ന സന്ദേശം ഈ ചിത്രങ്ങൾക്കൊപ്പം നൽകിയിട്ടുമുണ്ട്. സ്ഥലം ചെന്നൈ എന്ന് ടാഗ് ചെയ്തിട്ടുണ്ട്

കഴിഞ്ഞ വർഷവും ലളിതമായ ജന്മദിനാഘോഷമായിരുന്നു മോഹൻലാലിന്. വീഡിയോ കോൺഫറൻസ് വഴിയാണ് അദ്ദേഹം സുഹൃത്തുക്കൾക്കൊപ്പം കേക്ക് മുറിച്ചത്