ഇങ്ങനെയുമുണ്ടോ മേക്കോവർ? പ്രേക്ഷകർക്ക് നന്നായി അറിയാം ഈ നടനെ

ഇങ്ങനെയുമുണ്ടോ മേക്കോവർ എന്ന് പലരും സംശയിച്ചു പോകുന്ന ഒരു ചിത്രമാണ് സോഷ്യൽ മീഡിയയിൽ കഴിഞ്ഞ ദിവസങ്ങൾ പ്രത്യക്ഷപ്പെട്ടത്. പ്രേക്ഷകർക്ക് വളരെ നന്നായി അറിയാവുന്ന ഒരു നടനാണ് ഇത്. പുതിയ ചിത്രത്തിനായുള്ള ഷൂട്ടിനിടയിലാണ് ചിത്രം പകർത്തിയത്

ഈ നടനെ മാത്രമല്ല, അദ്ദേഹത്തിന്റെ താരകുടുംബത്തെ മുഴുവനും പ്രേക്ഷകർക്ക് പരിചയമുണ്ട്. പുതിയ ചിത്രത്തിനായി ഒരു കില്ലറുടെ വേഷമാണ് ഇദ്ദേഹം ചെയ്യുന്നത്. അതിനായുള്ള രൂപമാറ്റമാണിത്. ആരെന്ന് ഊഹിക്കാൻ കഴിയുന്നുണ്ടോ?

പുതിയ ചിത്രമായ ബോബ് ബിശ്വാസിന് വേണ്ടിയുള്ള അഭിഷേക് ബച്ചന്റെ മേക്കോവറാണിത്. കൊൽക്കത്തയിലാണ് ഷൂട്ടിംഗ് നടക്കുന്നത്.  നടി ചിത്രാംഗദ സിംഗ് ആണ് നായിക

നീല ഷർട്ടും, കടുത്ത നിറമുള്ള പാന്റുമാണ് വേഷം. ഒരു വിഗ്ഗും, വലിയ കണ്ണടയും കൂടിയായപ്പോൾ തീർത്തും തിരിച്ചറിയാനാവാത്ത ലുക്കിലാണ് . കഥാപാത്രത്തിനായി കുടവയറുള്ള രൂപത്തിലാണ് അഭിഷേക്

ഷൂട്ടിംഗിനായി തയാറെടുക്കുന്ന വിവരം ചിത്രാംഗദയും സോഷ്യൽ മീഡിയ പോസ്റ്റിലൂടെ അറിയിച്ചു. എല്ലാ സുരക്ഷാ മുൻകരുതലുമെടുത്താണ് ചിത്രീകരണത്തിന് തയാറെടുക്കുന്നതെന്ന് ചിത്രാംഗദ

ഷാരൂഖ് ഖാന്റെ റെഡ് ചില്ലീസ് എന്റർടൈൻമെന്റ് നിർമ്മിക്കുന്ന ചിത്രമാണ് ബോബ് ബിശ്വാസ്. ദിയ അന്നപൂർണ ഘോഷ് ആണ് സംവിധാനം. വാടകക്കൊലയാളിയുടെ വേഷമാണ് അഭിഷേകിന്