ഈച്ചയെ അടിക്കാൻ ചാക്കോച്ചൻ; സിംപിൾ ആയി വെറുതെയിരിക്കുന്ന കഥയുമായി പിഷാരടി

വെറുതെ കുറച്ച് സമയം കിട്ടി എന്ന് വിചാരിക്കുക. ഇത്രയുംകാലം അങ്ങനെയൊക്കെ വിചാരിക്കാൻ മാത്രമേ പലരെ കൊണ്ടും സാധിച്ചിരുന്നുള്ളൂ. എന്നാൽ വീട്ടിലിരിക്കാൻ ധാരാളം സമയം ലഭിച്ചിരിക്കുകയാണ് ബഹുഭൂരിപക്ഷം പേർക്കും ഇപ്പോൾ . അന്നേരം ഷൂട്ടിംഗ് നിർത്തിവച്ച് വീട്ടിലിരിക്കുന്ന താരങ്ങൾ എന്താണ് ചെയ്യുന്നത് എന്നറിയാമോ? രസകരമായ പോസ്റ്റുകളുമായി പ്രിയ താരങ്ങൾ സോഷ്യൽ മീഡിയയിൽ എത്തുന്നു

വീടിനുള്ളിലേക്ക് അരിച്ചിറങ്ങിയ വെളിച്ചത്തിൽ വന്നിരിക്കുന്ന കറുപ്പും നീലയും വരകളുള്ള ഈച്ചയുടെ പടം പോസ്റ്റ് ചെയ്തു കൊണ്ടാണ് കുഞ്ചാക്കോ ബോബന്റെ വരവ്. ഇതിന് രസകരമായ ക്യാപ്ഷൻ ഇങ്ങനെ: "ഈച്ചയടിച്ചിരിക്കുന്നതിന്റെ ഓരോരോ ഗുണങ്ങൾ"

ബാൽക്കണിയിൽ നിന്നും പുറത്തേക്കു നോക്കുന്ന ചിത്രവുമായാണ് രമേശ് പിഷാരടിയുടെ വരവ്. ക്യാപ്‌ഷനൊപ്പം ഒരു ട്രോളും കൂടിചേർത്തുള്ള പോസ്റ്റാണ് പിഷാരടിയുടേത്

"എന്റെ പേര് രമേഷ്. പ്രോഗ്രാം ചെയ്തു കിട്ടിയ പൈസ കൊണ്ട് പണ്ട് ടൂർ പോയിട്ടുണ്ട്. ഇപ്പോൾ വെറുതെ ഇരിക്കുന്നത് സിമ്പിളാണ്. ആർക്ക് വേണമെങ്കിലും ചെയ്യാം" ഇതാണ് പിഷാരടിയുടെ ഫോട്ടോയുടെ ക്യാപ്ഷൻ. കമന്റ് അടിപൊളി എന്ന് പറയുന്ന ആരാധകനോട് 'കലക്കി എടുക്കൂ മിഷ്‌ടർ' എന്ന് പിഷാരടി മറുപടി നൽകുന്നു

'വെറുതെ ഇരിക്കുന്നതിന്റെ ഓരോരോ തിരക്കുകൾ' എന്നുപറഞ്ഞ് ഫോണിൽ നോക്കിയിരിക്കുന്ന ചിത്രവുമായാണ് നടൻ ജയസൂര്യയുടെ വരവ്

ഷൂട്ടിംഗ് ഇല്ലാ നേരം മകൾക്കൊപ്പം ചെസ്സ് കളിച്ച് 'ചെക്ക്' കിട്ടിയ വിശേഷവുമായി നരേൻ പോസ്റ്റ് ഇട്ടിരുന്നു