പ്രേമം ഒഡിഷനിൽ പുറത്തായി പിന്നീട് സംസ്ഥാന അവാർഡ് നേടിയ നടി ഇവരിൽ ആര്?

പ്രേമം ഓഡിഷന് എത്തി പുറത്തായ നടി പിന്നീട് മികച്ച നടിക്കുള്ള സംസ്ഥാന പുരസ്കാരം നേടിയെന്ന് വെളിപ്പെടുത്തൽ. നടനും കാസ്റ്റിംഗ് ഡയറക്റ്ററുമായ ദിനേശ് പ്രഭാകറാണ് ഇതേപ്പറ്റി പറയുന്നത്. പല തവണ ഓഡിഷൻ നടത്തിയെങ്കിലും ശരിയായില്ലെന്നും, അതിന് കാരണം അവരുടെ അന്നത്തെ മാനസിക അവസ്ഥയാവാമെന്നും കരുതുന്നതായി ദിനേശ് പറയുന്നു

2015ൽ അൽഫോൻസ് പുത്രൻ സംവിധാനം ചെയ്ത് നിവിൻ പോളി നായകനായ ചിത്രമാണ് പ്രേമം. അന്നത്തെ ബ്ലോക്ക് ബസ്റ്റർ ചിത്രമായി മാറിയ പ്രേമത്തിൽ നായികയായി എത്തിയത് മൂന്നു പേരാണ്

മലർ മിസ് എന്ന കഥാപാത്രത്തെ അവതരിപ്പിച്ചത് സായ് പല്ലവിയാണ്

മേരിയായി എത്തിയത് അനുപമ പരമേശ്വരനാണ്

മേരിയുടെ അനുജത്തി സെലിനെ അവതരിപ്പിച്ചത് മഡോണ സെബാസ്റ്റിയനാണ്

ഈ സിനിമ ഇറങ്ങിയതിൽ പിന്നെ മൂന്നു നടിമാരാണ് മികച്ച നടിക്കുള്ള സംസ്ഥാന അവാർഡ് നേടിയത്

2016ൽ അനുരാഗ കരിക്കിൻവെള്ളത്തിലെ പ്രകടനത്തിന് രജിഷ വിജയൻ പുരസ്കാരം നേടി

2017ൽ ടേക്ക്ഓഫിലെ അഭിനയത്തിന് പാർവതി തിരുവോത്താണ് ആ പുരസ്കാരത്തിനർഹയായത്

2018ൽ ചോലയിലെ പ്രകടനത്തിന് നിമിഷ സജയനായിരുന്നു മികച്ച നടി

എന്നാൽ ഇവരിൽ ആരാണ് അന്ന് ഓഡിഷന് വന്ന് പുറത്തായതെന്ന കാര്യം ദിനേശ് വ്യക്തമാക്കിയിട്ടില്ല