'തമ്മിൽത്തല്ല് കഴിഞ്ഞ് ഇരിക്കുകയാണെന്ന് പറയുകേയില്ല' - ചേട്ടനൊപ്പമുള്ള ത്രോബാക്ക് ഫോട്ടോയുമായി മഞ്ജു വാര്യർ

ചേട്ടൻ മധു വാര്യർക്കൊപ്പമുള്ള ചിത്രം പങ്കുവച്ച് നടി മഞ്ജു വാര്യർ. ലളിതവും സുന്ദരവുമായ ത്രോബാക്ക് എന്നു പറഞ്ഞാണ് സഹോദരന് ഒപ്പമുള്ള ചിത്രം നടി ഫേസ്ബുക്കിൽ പങ്കുവച്ചിരിക്കുന്നത്. 'ഇരിപ്പ് കണ്ടാൽ ഒരു വൻ തമ്മിൽതല്ല് കഴിഞ്ഞ് ഇരിക്കുകയാണെന്ന് പറയുകയേയില്ല അല്ലേ ചേട്ടാ' - എന്ന കുറിപ്പോടും കൂടിയാണ് ചിത്രം പങ്കു വച്ചിരിക്കുന്നത്. ലളിതംസുന്ദരം എന്ന ഹാഷ് ടാഗോടു കൂടിയാണ് ചിത്രം പങ്കുവച്ചിരിക്കുന്നത്. (ഫേസ്ബുക്കിൽ പങ്കുവച്ച ചിത്രം)

മധു വാര്യർ സംവിധാനം ചെയ്യുന്ന ലളിതം സുന്ദരം എന്ന ചിത്രത്തിൽ മഞ്ജു വാര്യരും ബിജു മേനോനും ആണ് നായികയും നായകനും. മഞ്ജു വാര്യർ പ്രൊഡക്ഷൻസ് സെഞ്ച്വറിയുടെ സഹകരണത്തോടെയാണ് ചിത്രം നിർമിക്കുന്നത്.

മധു വാര്യർ ആദ്യമായി സംവിധാനം ചെയ്യുന്ന ചിത്രം കൂടിയാണ് ഇത്. മഞ്ജു വാര്യർ അഭിനയരംഗത്തേക്ക് തിരിച്ചെത്തിയതിനു ശേഷം ആദ്യമായാണ് ബിജു മേനോന്റെ നായികയാകുന്നത് എന്ന പ്രത്യേകതയും ചിത്രത്തിനുണ്ട്.

ദില്ലിവാലാ രാജകുമാരൻ, ഇന്നലെകളില്ലാതെ, കുടമാറ്റം, കൃഷ്ണഗുഡിയിൽ ഒരു പ്രണയകാലത്ത്, പ്രണയവർണങ്ങൾ, പത്രം, കണ്ണെഴുതി പൊട്ടും തൊട്ട് തുടങ്ങിയ ചിത്രങ്ങളിൽ മഞ്ജുവും ബിജു മേനോനും ജോഡികളായിട്ടുണ്ട്