Aishwarya Rai | ഐശ്വര്യ റായിയും അഭിഷേകും തമ്മിലെ പ്രശ്നമെന്ത്? താരങ്ങളുടെ ജീവിതം ചർച്ചയിലേക്ക്

ബോളിവുഡിന്റെ ഏറ്റവും പ്രിയപ്പെട്ട താര ദമ്പതിമാരിൽ രണ്ടുപേരാണ് നടി ഐശ്വര്യ റായിയും (Aishwarya Rai) ഭർത്താവ് അഭിഷേക് ബച്ചനും (Abhishek Bachchan). സ്‌ക്രീനിൽ മാത്രമല്ല, സ്ക്രീനിനു പുറത്തുമുള്ള ഇവരുടെ ജീവിതം പലർക്കും ആവേശമാണ്. 2007ലാണ് ഇവർ വിവാഹിതരായത്. ഇവരുടെ ഏക മകളാണ് ആരാധ്യ റായ് ബച്ചൻ. 2022 ഏപ്രിൽ മാസത്തിൽ ഇവർ വിവാഹജീവിതത്തിന്റെ 15 വർഷങ്ങൾ ആഘോഷിച്ചിരുന്നു

എന്നാൽ ഇത്രയും നാൾ ഒന്നിച്ചു ജീവിച്ച ദമ്പതിമാരുടെ ജീവിതത്തിൽ എന്തോ പ്രശ്നമുണ്ട് എന്ന തരത്തിലാണ് കാര്യങ്ങൾ. ഇവർക്കിടയിൽ പ്രശ്നമെന്താണ് എന്ന് ആരാധകരും ചോദിക്കുന്നു. പ്രധാന കാരണം ചുവടെ കാണുന്ന ചിത്രവും അവിടുത്തെ സാഹചര്യവുമാണ് (തുടർന്ന് വായിക്കുക)

സുഭാഷ് ഗായിയുടെ പിറന്നാൾ പാർട്ടിയാണ് സ്ഥലം. ഇവിടെ അതിഥികളായി അഭിഷേകും ഐശ്വര്യയും പങ്കെടുത്തിരുന്നു. ഇവർ ചിത്രങ്ങൾക്കും വീഡിയോകൾക്കും വേണ്ടി പോസ് ചെയ്യുകയും ചെയ്തു

തീർത്തും സ്വസ്ഥയാണ് താൻ എന്ന് ധ്വനിയുള്ള ഒരു നോട്ടം ഐശ്വര്യ റായ് അഭിഷേകിന് നേരെ പായിക്കുന്നുണ്ട്. ഇപ്പോൾ മാത്രമല്ല മുൻപും ഇങ്ങനെ സംഭവിച്ചിട്ടുണ്ട് എന്നും അവർ ചൂണ്ടിക്കാട്ടി

2022 ഒക്ടോബർ മാസത്തിൽ നടന്ന മനീഷ് മൽഹോത്രയുടെ പിറന്നാൾ ചടങ്ങിലും ഇത്തരമൊരു പെരുമാറ്റം ഐശ്വര്യയുടെ ഭാഗത്തു നിന്നും ഉണ്ടായിട്ടുണ്ടത്രെ. എന്താണ് കാരണം എന്ന് ആർക്കും കണ്ടെത്താൻ കഴിഞ്ഞിട്ടുമില്ല

സുഭാഷ് ഗായിയുടെ 78-ാമത് ജന്മദിനാഘോഷത്തിന് ഐശ്വര്യയും അഭിഷേകും കൂടാതെ, സൽമാൻ ഖാൻ, ജയാ ബച്ചൻ, അനിൽ കപൂർ, കാർത്തിക് ആര്യൻ, രാകേഷ് റോഷൻ, അൽക യാഗ്നിക്, മഹിമ ചൗധരി, അനുപം ഖേർ, ശത്രുഘ്നൻ സിൻഹ, ഭാര്യ പൂനം സിൻഹ, റോണിത് റോയ്, രോഹിത് റോയ്, മീസാൻ ജഫ്രി തുടങ്ങിയവരും പങ്കെടുത്തിരുന്നു

'താൽ' എന്ന സുഭാഷ് ഗായി ചിത്രത്തിൽ ഐശ്വര്യ വേഷമിട്ടിരുന്നു. ഈ ചിത്രം സൂപ്പർ ഹിറ്റായി മാറുകയും ചെയ്തു