#AK62| വിഘ്നേശ് ശിവൻ ചിത്രത്തിനായി അജിത് ആവശ്യപ്പെട്ടത് 100 കോടി; 105 കോടി രൂപ വാഗ്ദാനം ചെയ്ത് നിർമാതാക്കൾ

കഴിഞ്ഞ ആഴ്ച്ചയാണ് തമിഴ് സൂപ്പർതാരം അജിത് (Ajith Kumar)തന്റെ പുതിയ ചിത്രം പ്രഖ്യാപിച്ചത്. വിഘ്നേശ് ശിവൻ സംവിധാനം ചെയ്യുന്ന ചിത്രത്തിന്റെ പേര് ഇതുവരെ തീരുമാനിച്ചിട്ടില്ല. AK62 എന്നാണ് ചിത്രത്തിന് താത്കാലികമായി നൽകിയിരിക്കുന്ന പേര്. (image: Instagram)

പുതിയ ചിത്രത്തിന്റെ കൂടുതൽ വിശദാംശങ്ങളൊന്നും പുറത്തു വന്നിട്ടില്ലെങ്കിലും പുതിയൊരു വാർത്തയാണ് ചിത്രവുമായി ബന്ധപ്പെട്ട് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. ചിത്രത്തിന് അജിത്തിന് ലഭിക്കുന്ന പ്രതിഫലത്തെ കുറിച്ചാണ് വാർത്തകൾ.(image: Instagram)

ട്രേഡ് അനലിസ്റ്റ് മനോബല വിജയബാലനാണ് ചിത്രത്തിന് അജിത് വാങ്ങുന്ന പ്രതിഫലത്തെ കുറിച്ച് ആദ്യം ട്വീറ്റ് ചെയ്തത്. ടൈംസ് ഓഫ് ഇന്ത്യയും ഇതുസംബന്ധിച്ച് വാർത്ത നൽകിയിട്ടുണ്ട്. (image: Instagram)

ചിത്രത്തിന് നൂറ് കോടിയാണത്രേ അജിത് പ്രതിഫലമായി ആവശ്യപ്പെട്ടത്. എന്നാൽ നൂറല്ല, നൂറ്റിഅഞ്ച് കോടി നൽകാമെന്നാണ് നിർമാതാക്കൾ വാഗ്ദാനം ചെയ്തിരിക്കുന്നതെന്ന് റിപ്പോർട്ടുകൾ പറയുന്നു. അജിത് ചോദിച്ചതിനേക്കാൾ അഞ്ച് കോടി അധികം നൽകാൻ തയ്യാറാണെന്ന് നിർമാതക്കൾ അറിയിച്ചുവത്രേ. (image: Instagram)

അതേസമയം, വാർത്തകളോട് അജിത്തുമായി അടുത്ത ബന്ധമുള്ളവരോ ചിത്രത്തിന്റെ നിർമാതാക്കളോ ഇതുവരെ പ്രതികരിച്ചിട്ടില്ല. ലൈക പ്രൊഡക്ഷനാണ് ചിത്രം നിർമിക്കുന്നത്. തമിഴിലെ സൂപ്പർഹിറ്റ് സംഗീത സംവിധായകൻ അനിരുദ്ധാണ് ചിത്രത്തിന് വേണ്ടി സംഗീതം ഒരുക്കുന്നത്.( Image: Instagram)

ഈ വർഷം അവസാനത്തോടെ സിനിമയുടെ ചിത്രീകരണം ആരംഭിക്കും. അടുത്ത വർഷം പകുതിയോടെയായിരിക്കും ചിത്രം പുറത്തിറങ്ങുക എന്നുമാണ് നിർമാതാക്കൾ അറിയിച്ചിരിക്കുന്നത്. (image: Instagram)

ചിത്രത്തിൽ നയൻതാരയായിരിക്കും നായികയായി എത്തുക എന്നും വാർത്തകളുണ്ട്. വാർത്തകൾ സത്യമാണെങ്കിൽ അജിത്തും നയൻതാരയും ഒന്നിക്കുന്ന നാലാമത്തെ ചിത്രമായിരിക്കുമിത്. (image: Instagram)