വീട്ടിലെ സ്ത്രീകളെ പുരുഷന്മാരും സഹായിക്കണമെന്ന മുഖ്യമന്ത്രിയുടെ വാക്കുകൾക്ക് അജു വർഗീസിന്റെ പ്രതികരണമിങ്ങനെ

രണ്ടു പ്രസവങ്ങളിലൂടെ പിറന്ന നാല് മക്കൾ; ആദ്യത്തെ ഇരട്ടകൾ ഒരു മകനും മകളും, രണ്ടാമത്തെ സംഘം രണ്ടാണ്മക്കൾ. നടൻ അജു വർഗീസിന്റെ വീട്ടിലെ രംഗമാണിത്. ഭാര്യ അഗസ്റ്റീനയുടെ ചുമതല പറയേണ്ടതില്ലല്ലോ

മക്കൾ അൽപ്പം വളർന്നതിൽ പിന്നെ അഗസ്റ്റീന കുട്ടികളുടെ വസ്ത്രങ്ങളുടെ ഒരു ബുട്ടീക് ആരംഭിച്ചിരുന്നു. അവിടെയും നാൽവർ സംഘത്തെ മാനേജ് ചെയ്യാൻ അജുവും അഗസ്റ്റീനയും പെടുന്ന തത്രപ്പാട് പ്രേക്ഷകരും കണ്ടതാണ്

അപ്പോഴാണ് ലോക്ക്ഡൗൺ കാലവും, എല്ലാവരും വീട്ടിൽ തന്നെ ഇരിക്കുന്ന സമയവും ഉണ്ടായത്. എന്നാൽ വീട്ടിലിരിക്കുന്ന പുരുഷന്മാർ സ്ത്രീകളെയും സഹായിക്കണമെന്ന മുഖ്യമന്ത്രിയുടെ ഉപദേശം വന്നത് അതിനിടയിലാണ്

'പലയിടത്തും വീട്ടിലെ ജോലികൾ ചെയ്യുന്നത് സ്ത്രീകൾ മാത്രം; പുരുഷന്മാർ കൂടി ഏറ്റെടുക്കണം - മുഖ്യമന്ത്രി' എന്ന വാർത്ത അജുവും ഷെയർ ചെയ്തിരുന്നു. അതിന് അജു മറുപടി നൽകുന്നത് ഇങ്ങനെ: സാറിന് ഇങ്ങനെ പറയാം, എന്നാ പാടാണെന്ന് അറിയാമോ? ഞാൻ ഇപ്പോഴേ തുടങ്ങി. തീർന്നില്ല മറുപടി നൽകി സിനിമാ താരങ്ങളും കമന്റു സെഷനിൽ എത്തി

ഗായിക സിതാര കൃഷ്ണകുമാർ, നടിമാരായ രചന നാരായണൻകുട്ടി, രജിഷ വിജയൻ എന്നിവരുൾപ്പെടെ മറുപടിയുമായി എത്തി

അജു വർഗീസിന്റെയും അഗസ്റ്റിനയുടെയും മക്കളായ ഇവാൻ, ജുവാന, ലൂക്, ജെയ്ക് എന്നിവർ ചേർന്ന് ഇവരുടെ  സംരംഭമായ ടൂല ലൂല ഉദ്‌ഘാടനം ചെയ്യുന്നു