പിറന്നാൾ ആശംസ ആശാന്റെ നെഞ്ചത്ത്; വിനീത് ശ്രീനിവാസന് 'ഗുരുദക്ഷിണയുമായി' അജു വർഗീസ്

പത്ത് വർഷം മുൻപ് ആദ്യ ചിത്രത്തിലൂടെ അരങ്ങേറ്റം കുറിക്കാൻ കാരണക്കാരനായ 'ആശാന്റെ നെഞ്ചത്ത്' പിറന്നാൾ ആശംസ നൽകി അജു വർഗീസ്. വിനീത് ശ്രീനിവാസന്റെ പിറന്നാൾ ദിനത്തിലാണ് ആ ചിത്രവുമായി അജുവിന്റെ വരവ്. ഇൻസ്റ്റഗ്രാമിൽ ചിത്രം പോസ്റ്റ് ചെയ്തിട്ടുണ്ട്  

ഹെലൻ സിനിമയുടെ ക്ലൈമാക്സ് കണ്ടവർക്ക് ഈ ചിത്രം മനസ്സിലാവും. പോലീസ് സ്റ്റേഷനിലെ പ്രതിയായി വിനീതും പോലീസായി അജുവും വേഷമിട്ട ചിത്രമാണിത്. ഒരാരാധകൻ തന്നെയാണ് 'ആശാന്റെ നെഞ്ചത്ത്' എന്ന് ഈ ചിത്രത്തിന് ക്യാപ്‌ഷൻ നൽകുന്നതും

മലർവാടി ആർട്സ് ക്ലബ് എന്ന വിനീത് ശ്രീനിവാസൻ ചിത്രത്തിലൂടെ അരങ്ങേറ്റം കുറിച്ചവരാണ് അജു വർഗീസ്, നിവിൻ പോളി എന്നിവർ ഉൾപ്പെടുന്ന ഒരു നീണ്ട യുവ താരനിര. കുട്ടു എന്നായിരുന്നു ഇതിൽ അജുവിന്റെ കഥാപാത്രം. പിന്നീട് ഇങ്ങോട്ട് ഒട്ടേറെ ചിത്രങ്ങളിൽ അജു വേഷമിട്ടു

മാത്രവുമല്ല ധ്യാൻ ശ്രീനിവാസൻ ആദ്യമായി സംവിധാനം ചെയ്ത ചിത്രത്തിലും അജുവും നിവിനും തന്നെയാണ് വേഷമിട്ടത്. ലവ്, ആക്ഷൻ, ഡ്രാമയുടെ നിർമ്മാതാക്കളിൽ ഒരാൾ കൂടിയായിരുന്നു അജു