ബിഗ് ബോസ് താരം മുൻകാമുകിയുടെ ബാങ്ക് അക്കൗണ്ടിൽ നിന്നും 15 ലക്ഷം തട്ടിയെന്നാരോപണം

മുൻ കാമുകിയുടെ 15 ലക്ഷം രൂപ തട്ടിയെന്നും പറഞ്ഞ് ബിഗ് ബോസ് താരത്തിനെതിരെ സോഷ്യൽ മീഡിയയിൽ ആരോപണം. പണം തട്ടിയത് കൂടാതെ അവരെ ഭീഷണിപ്പെടുത്തുകയും ചെയ്തെന്ന് ആരാധകർ ആരോപിക്കുന്നു

ബിഗ് ബോസ് സീസൺ 13 മത്സരാർത്ഥി അർഹാൻ ഖാനെതിരെയാണ് #FraudArhaanKhan എന്ന ഹാഷ്ടാഗ് ക്യാംപെയ്ൻ ട്വിറ്ററിൽ സജീവമായത്. മത്സരാർത്ഥി കൂടിയായിരുന്ന റഷാമി ദേശായി അർഹാന്റെ മുൻ കാമുകിയാണ്. ബിഗ് ബോസ് വീട്ടിൽ കഴിയുന്ന വേളയിലാണ് പണം തട്ടിയതെന്ന് പറയപ്പെടുന്നു

എന്നാൽ വെറും ആരോപണം മാത്രമല്ല, ഇതിനെ പിന്തുണക്കുന്നതെന്ന് തോന്നുന്ന തരത്തിലെ ബാങ്ക് സ്റ്റേറ്റുമെന്റുകളും ട്വീറ്റുകളിൽ പ്രത്യക്ഷപ്പെട്ടു

ശിവാനി അജയ് കുമാർ ദേശായി എന്നയാളുടെ പേരിലെ സ്റ്റേറ്റുമെന്റാണ് ഇത്തരത്തിൽ പ്രചരിച്ചത്. റഷാമിയുടെ ആരാധകർ അത്യന്തം രോഷാകുലരാണ്

എന്നാൽ മറ്റൊരു മത്സരാർത്ഥിയായ ദെബോലീന ഭട്ടാചാർജി തനിക്ക് നേരെ അർഹാന്റെ ആരാധകർ വധഭീഷണി മുഴക്കുന്നു എന്ന് പരാതിപ്പെട്ടിട്ടുണ്ടായിരുന്നു. അർഹാനെതിരെ സംസാരിച്ചതാണ് തനിക്ക് നേരെ തിരിയാൻ പ്രകോപനമുണ്ടാക്കിയതെന്നും ദെബോലീന പറയുന്നു

നാഗിൻ 4ലെ അഭിനേത്രിയായ റഷാമിയും അർഹാനും തമ്മിൽ ബിഗ് ബോസ് വീട്ടിൽ വച്ച് പ്രണയത്തിലാവുകയായിരുന്നു. എന്നാൽ അർഹാന്‌ മുൻഭാര്യയും കുഞ്ഞും ഉണ്ടെന്ന് അറിഞ്ഞതും അവർ വേർപിരിയുകയായിരുന്നു. ബിഗ് ബോസ് സീസൺ 13 മത്സരത്തിലെ ഏറ്റവും ജനപ്രീതിയുള്ള മത്സരാർത്ഥിയായിരുന്നു റഷാമി