റിമേച്ചി കഞ്ചാവ് ബീഡി എടുക്കാൻ ഉണ്ടാകുമോ ഒരെണ്ണം? റിമ കല്ലിങ്കലിന് വിമർശനവുമായി സന്ദീപ് വാര്യർ

നടി റിമ കല്ലിങ്കലിന് വിമർശനവുമായി ബി.ജെ.പി. നേതാവ് സന്ദീപ് വാര്യർ പോസ്റ്റ് ചെയ്യുന്നുണ്ട്. "റിമേച്ചി കഞ്ചാവ് ബീഡി എടുക്കാൻ ഉണ്ടാകുമോ ഒരെണ്ണം? കഞ്ചാവ് കച്ചവടക്കാരെ സാംസ്കാരിക നായകരാക്കി മാറ്റുന്ന പരിപാടി നമുക്ക് അവസാനിപ്പിക്കാം" എന്നാണ് സന്ദീപിന്റെ പോസ്റ്റ്. ഇത് കൂടാതെ മറ്റൊരു പോസ്റ്റ് കൂടി നേരിട്ടല്ലെങ്കിലും റിമയെ ലക്‌ഷ്യം വച്ച് സന്ദീപ് പോസ്റ്റ് ചെയ്യുന്നു

"ലാലേട്ടൻ പണ്ടേ പറഞ്ഞിട്ടുണ്ട്. ചുമ്മാതാണോ പൊരിച്ച മത്തി ടീമിന് ലാലേട്ടനോട് കലിപ്പ്" എന്നാണ് സന്ദീപിന്റെ മറ്റൊരു ഫേസ്ബുക് പോസ്റ്റ്

വിവരശൂന്യരെ പ്രശസ്തരാക്കുന്നതു നിർത്താം എന്ന തരത്തിൽ ഇന്ന് രാവിലെ റിമയുടെ ഒരു ഫേസ്ബുക് പോസ്റ്റുമുണ്ടായിരുന്നു. ആർട്ടിസ്റ് പവി ശങ്കറിന്റെ ഇലസ്ട്രേഷൻ വച്ചായിരുന്നു ആ പോസ്റ്റ്

ഏതാനും ദിവസങ്ങൾക്ക് മുൻപ് സിനിമാ-കലാ പ്രവർത്തകരുടെ നേതൃത്വത്തിൽ കൊച്ചിയിൽ പൗരത്വ ഭേദഗതിക്കും ദേശീയ പൗരത്വ രജിസ്ടരിക്കും എതിരായി പ്രകടനം നടന്നിരുന്നു

ഇതിൽ റിമയും സംവിധായകനും നിർമ്മാതാവുമായ ഭർത്താവ് ആഷിഖ് അബുവും പങ്കെടുത്തിരുന്നു