അവർ ആവശ്യപ്പെട്ടതിന് വഴങ്ങിയില്ല, അവസരങ്ങൾ നഷ്‌ടപ്പെട്ടു; നടിയുടെ തുറന്നുപറച്ചിൽ

സിനിമാ രംഗത്തെ പല പ്രമുഖരും പല കാലങ്ങളിലായി നടത്തിയ ചൂഷണങ്ങൾ പുറത്തു വന്നത് #മീടൂവിലൂടെയാണ്. ഇതേപ്പറ്റി പലയിടങ്ങളിലും ചർച്ച നടന്നിട്ടുമുണ്ട്. സ്ത്രീകളുടെ സുരക്ഷ മുൻനിർത്തി നിരവധി ജോലിയിടങ്ങളിൽ പ്രത്യേക സുരക്ഷയും ഏർപ്പെടുത്തുകയുണ്ടായി. തനിക്ക് നേരിടേണ്ടി വന്ന മോശം അനുഭവങ്ങളെപ്പറ്റി പ്രശസ്ത ബോളിവുഡ് താരം തുറന്നു പറയുന്നു

"ഇത്തരം ആൾക്കാർ എല്ലായിടത്തുമുണ്ട്. എന്റെ മോഡലിംഗ് ദിനങ്ങളിൽ തുടങ്ങി ബോളിവുഡ് വരെയും അത് കണ്ടിട്ടുണ്ട്. കോർപ്പറേറ്റ് ലോകം അത്രക്കും മോശമാണ്. അതെനിക്കും സംഭവിച്ചിട്ടുണ്ട്," നടി തന്റെ അനുഭവങ്ങൾ വിശദീകരിച്ചു തുടങ്ങുന്നു

"പക്ഷെ ബോളിവുഡ് നിങ്ങളെ എന്തിനെങ്കിലും വേണ്ടി പ്രേരിപ്പിക്കുന്ന ഒന്നല്ല. തങ്ങളുടെ ഇഷ്‌ടമനുസരിച്ച് എല്ലാവർക്കും അവരുടേതായ ഇടവും ബഹുമാനവും അവിടെ ലഭിക്കുന്നു," ചിത്രാംഗദ സിംഗ് വ്യക്തമാക്കുന്നു. എങ്കിൽ കാര്യങ്ങൾ മോശമാവുന്നതെവിടെയാണ്?

"സ്വന്തം തീരുമാനങ്ങളുടെ പേരിൽ അവസരം നഷ്‌ടപ്പെടുമ്പോൾ നിങ്ങൾക്ക് വിഷമം തോന്നിയേക്കാം. പക്ഷെ നിരാശരാവേണ്ടതില്ല. അത് കാരണം എനിക്ക് പ്രോജക്ടുകൾ നഷ്‌ടപ്പെട്ടിട്ടുണ്ട്. അതേ സമയം അതിൽ നിങ്ങൾക്ക് ബുദ്ധിമുട്ടില്ലെങ്കിൽ മുന്നോട്ടു പോവാം," ചിത്രാംഗദ പറയുന്നു

എന്നാൽ തന്നോട് ആവശ്യപ്പെട്ടതെല്ലാം ലൈംഗിക ചുവയുള്ള കാര്യങ്ങളല്ല, മറ്റുള്ളവയും ഉണ്ടെന്നു ചിത്രാംഗദ പറഞ്ഞു. "അങ്ങനെയാണ് ലോകം. അതുകൊണ്ടു നിങ്ങൾ നിങ്ങളുടെ തീരുമാനം എടുത്തു നിങ്ങൾക്കിഷ്‌ടമുള്ള രീതിയിൽ ജീവിക്കണം."

താൻ വിലയിരുത്തുന്നതല്ല, തന്റെ അഭിപ്രായമാണ് ഈ പറഞ്ഞതെന്നും ചിത്രാംഗദ വ്യക്തമാക്കുന്നു