നടി മേഘ്ന വിൻസെന്റിന്റെ വിവാഹ മോചനം; ഒരു വർഷത്തിനുള്ളിൽ അവർ വേർപിരിഞ്ഞോ?

മലയാളികളുടെ സന്ധ്യകളിൽ കടന്നു വന്നിരുന്ന പ്രേക്ഷക പ്രിയ പരമ്പരകളിലെ പരിചിത മുഖമാണ് മേഘ്ന വിൻസെന്റ് എന്ന അഭിനേത്രിയുടേത്. മേഘ്ന വിവാഹ മോചിതയായെന്ന വാർത്ത ആരാധകരിൽ തെല്ലൊന്നുമല്ല അമ്പരപ്പുണ്ടാക്കിയത്. വിവാഹം കഴിഞ്ഞു ഒരു വർഷത്തിനുള്ളിൽ മേഘ്ന ഭർത്താവുമായി  പിരിഞ്ഞു എന്ന റിപ്പോർട്ടുകളാണ് പുറത്തു വരുന്നത്

ഡോൺ ടോണിയുമായി 2017 ഏപ്രിൽ 30നായിരുന്നു മേഘ്‌നയുടെ വിവാഹം. സീരിയൽ താരവും പ്രിയ കൂട്ടുകാരിയുമായ ഡിംപിൾ റോസിന്റെ സഹോദരനാണ് മേഘ്നയെ വിവാഹം കഴിച്ചത്. ഇവരുടെ വിവാഹ നിശ്ചയം പരമ്പരാഗത രീതിയിൽ ഒന്നിച്ചാണ് നടത്തിയത്. അൻസൺ ഫ്രാൻസിസ് ആണ് ഡിംപിളിന്റെ ഭർത്താവ്

മലയാളത്തിലെ ചന്ദനമഴ എന്ന സീരിയലാണ് മേഘ്‌നയെ ശ്രദ്ധേയയാക്കിയത്. ഇതിലെ അമൃത അർജുൻ ദേശായി എന്ന നാട്ടിൻപുറത്തുകാരിയായ മരുമകളുടെ വേഷമായിരുന്നു മേഘ്‌നക്ക്

വിവാഹം കഴിഞ്ഞ് ഒരു വർഷത്തിനുള്ളിൽ ഡോണുമായി മേഘ്‌ന അകന്നു കഴിയുകയായിരുന്നുവത്രെ. ശേഷം അടുത്തിടെ വിവാഹമോചനം ലഭിച്ചെന്നും, ഡോൺ മറ്റൊരു വിവാഹത്തിന് ഒരുങ്ങുന്നതായുമാണ് റിപ്പോർട്ട്. ഇതേപ്പറ്റി മേഘ്ന പ്രതികരിച്ചിട്ടില്ലെങ്കിലും മേഘ്‌നയുടെ ഔദ്യോഗിക ഫേസ്ബുക് പേജിലെ ഈ പോസ്റ്റ് പ്രചരിക്കുന്ന വാർത്തകൾക്ക് ഊന്നൽ നൽകുന്നു

2017 മെയ് മാസമാണ് അവസാനമായി ഡോണിനൊപ്പമുള്ള ചിത്രം മേഘ്ന പോസ്റ്റ് ചെയ്തിരിക്കുന്നത്. ഇതിന് ശേഷമുള്ളതെല്ലാം സീരിയൽ രംഗമോ അല്ലെങ്കിൽ മേഘ്‌നയുടെ മാത്രമോ ആയ ചിത്രങ്ങളാണ്

കൃഷ്ണപക്ഷക്കിളികൾ, പറങ്കിമല തുടങ്ങിയ ചിത്രങ്ങളിലും മേഘ്ന വേഷമിട്ടിരുന്നു. തമിഴ് പരമ്പരകളിൽ സജീവമാണ് മേഘ്ന. ടി.വി. ഷോകളിലും ശ്രദ്ധേയ സാന്നിധ്യമാണ്

വിവാഹ നിശ്ചയ വേളയിൽ ഡിംപിളിനൊപ്പം ചുവടുവയ്ക്കുന്ന മേഘ്ന