Atlee | സംവിധായകൻ ആറ്റ്ലിക്ക് പ്രതിഫലം വൻ കോടികൾ; സിനിമ വേണ്ടെന്നു വച്ച് അല്ലു അർജുൻ

രാജാറാണി എന്ന തമിഴ് ചിത്രത്തിലൂടെ സംവിധായകനായി അരങ്ങേറ്റം കുറിച്ച ആറ്റ്‌ലി (Atlee) വളരെ പെട്ടെന്ന് തമിഴ് സിനിമയിലെ ശ്രദ്ധേയ ചലച്ചിത്ര സംവിധായകനായി മാറുകയാണ്. മെർസൽ, തെരി, ബിഗിൽ എന്നിവയുൾപ്പെടെ അദ്ദേഹത്തിന്റെ പിന്നീടുള്ള എല്ലാ ചിത്രങ്ങളും ആരാധകർ വളരെയധികം ഏറ്റെടുത്തു. ബോളിവുഡിൽ ഷാരൂഖ് ഖാൻ ഉൾപ്പെടെയുള്ളവരുമായി അദ്ദേഹം ഊഷ്മളമായ ബന്ധം തുടരുന്നു

അദ്ദേഹത്തിന്റെ സിനിമകളുടെ വിജയവും ആരാധനയും തുടരുമ്പോൾ, ആറ്റ്‌ലിക്ക് ആവശ്യക്കാരേറെയാണ്. റിപ്പോർട്ടുകൾ പ്രകാരം, സംവിധായകൻ അടുത്തിടെ 'പുഷ്പ' നായകൻ അല്ലു അർജുനുമായി ഒരു പ്രോജക്റ്റിനായി ചർച്ചകൾ നടത്തിയിരുന്നു. ഒരു പാൻ-ഇന്ത്യ പ്രൊജക്റ്റിൽ ആറ്റ്‌ലിയ്‌ക്കൊപ്പം പ്രവർത്തിക്കാൻ അല്ലു പദ്ധതിയിടുന്നതായി റിപ്പോർട്ടുകൾ ഉണ്ടായിരുന്നു. പക്ഷെ സംഭവിച്ചത് മറ്റൊന്നാണ് (തുടർന്ന് വായിക്കുക)

ഇപ്പോൾ ഏറ്റവും പുതിയ വിവരമനുസരിച്ച്, സംവിധായകന്റെ ഭീമമായ പ്രതിഫലം അല്ലുവിനെ ഞെട്ടിച്ചെന്നും പ്രോജക്റ്റ് പിൻവലിച്ചുവെന്നും പറയപ്പെടുന്നു

ആറ്റ്‌ലി ഫീസ് ഇനത്തിൽ 35 കോടി രൂപ ആവശ്യപ്പെട്ടതായി റിപ്പോർട്ടുണ്ട്. എന്നാൽ, വാർത്തകൾക്ക് സ്ഥിരീകരണമില്ല

ആറ്റ്ലി- അല്ലു ചിത്രത്തിന്റെ നിർമ്മാണത്തിനും സാമ്പത്തിക സഹായത്തിനും പിന്നിൽ ലൈക്ക പ്രൊഡക്ഷൻസ് ആണെന്ന് സൂചനയുണ്ട്. 2.0, കൈതി, ദർബാർ എന്നിവയുൾപ്പെടെ നിരവധി തമിഴ് മെഗാ-സ്റ്റാർ ചിത്രങ്ങളെ ഈ പ്രൊഡക്ഷൻ ഹൗസ് വര്ഷങ്ങളായി പിന്തുണച്ചിട്ടുണ്ട്

'പുഷ്പ: ദി റൈസിന്റെ' വിജയത്തിന് ശേഷം അല്ലു അർജുന്റെ പ്രതിഫലം ഗണ്യമായി വർധിച്ചു. റിപ്പോർട്ടുകൾ പ്രകാരം ലൈക പ്രൊഡക്ഷൻ ഹൗസ് അല്ലു അർജുന് 100 കോടി രൂപ വാഗ്ദാനം ചെയ്തു. അതേസമയം, ഷാരൂഖ് ഖാനും നയൻതാരയും അഭിനയിക്കുന്ന അറ്റ്‌ലിയുടെ അടുത്ത ചിത്രത്തെക്കുറിച്ചുള്ള വിവരങ്ങൾക്കായി ആരാധകർ കാത്തിരിക്കുകയാണ്. 'ലയൺ' എന്നാണ് ചിത്രത്തിന് താൽക്കാലികമായി പേരിട്ടിരിക്കുന്നത്

നയൻതാര അന്വേഷണ ഉദ്യോഗസ്ഥയുടെ വേഷത്തിലും ഷാരൂഖ് ഡബിൾ റോളിലും എത്തുന്നു എന്നതിനാൽ ചിത്രം ഏറെ പ്രതീക്ഷയോടെയാണ് കാത്തിരിക്കുന്നത്. ഈ ചിത്രത്തിലൂടെയാണ് നയൻ‌താര തന്റെ ബോളിവുഡ് അരങ്ങേറ്റം കുറിക്കുന്നത്