Prithviraj | പൃഥ്വിരാജ് ഇന്ത്യൻ സിനിമയിലെ പ്രതിഭാശാലിയായ അഭിനേതാക്കളിൽ ഒരാൾ; അഭിനന്ദനവുമായി രവി കെ. ചന്ദ്രൻ

ഇന്ത്യയിലെ പ്രതിഭാശാലിയായ അഭിനേതാക്കളിൽ ഒരാളും, മികച്ച സംവിധായകനുമാണ് പൃഥ്വിരാജ് എന്ന് സംവിധായകൻ രവി കെ. ചന്ദ്രൻ. പൃഥ്വിരാജ് നായകനായ പുതിയ ചിത്രം 'ഭ്രമം' സംവിധാനം ചെയ്യുന്നത് രവി കെ. ചന്ദ്രനാണ്

പൃഥ്വിരാജ്, മംമ്ത മോഹൻദാസ്, ഉണ്ണി മുകുന്ദൻ എന്നിവർ പ്രധാന വേഷങ്ങൾ അവതരിപ്പിക്കുന്ന ചിത്രം കഴിഞ്ഞ ദിവസം പാക്ക്-അപ്പ് ആയിരുന്നു. ബോളിവുഡിലെ അന്ധാദുൻ റീമേക് ആണ് ഈ ചിത്രം. മിൻസാര കനവ്, കണ്ടുകൊണ്ടേൻ കണ്ടുകൊണ്ടേൻ, കന്നത്തിൽ മുത്തമിട്ടാൽ തുടങ്ങിയ സിനിമകളുടെ ക്യാമറ ചലിപ്പിച്ചത് രവി കെ. ചന്ദ്രനാണ്. അന്തരിച്ച ഛായാഗ്രാഹകൻ രാമചന്ദ്രബാബുവിന്റെ സഹോദരനാണ് ഇദ്ദേഹം

ഇൻസ്റ്റഗ്രാമിൽ പൃഥ്വിരാജിന്റെ ഒപ്പമുള്ള ചിത്രം പോസ്റ്റ് ചെയ്തുകൊണ്ടാണ് രവി കെ. ചന്ദ്രൻ തന്റെ വാക്കുകൾ കുറിച്ചത്. ഈ പോസ്റ്റിനു പൃഥ്വി നന്ദി അറിയിച്ചിട്ടുമുണ്ട്

ബോളിവുഡ് മുതൽ തെന്നിന്ത്യൻ സിനിമ വരെയുള്ള മികച്ച ചിത്രങ്ങളുടെ പിന്നിൽ പ്രവർത്തിച്ചയാളാണ് രവി കെ. ചന്ദ്രൻ. പൃഥ്വിരാജ് നായകനാവുന്ന 'കടുവ' എന്ന സിനിമയുടെ ക്യാമറയും രവി കെ. ചന്ദ്രനാണ് നിർവഹിക്കുക