നടി വനിതാ വിജയകുമാറിന്റെ ഭർത്താവ് പീറ്റർ പോളിനെതിരെ ആദ്യ ഭാര്യ

നടി വനിതാ വിജയകുമാറിന്റെ ഭർത്താവ് പീറ്റർ പോളിനെതിരെ ആദ്യഭാര്യ രംഗത്ത്. പീറ്ററുമായി അകന്നു കഴിയുന്ന ആദ്യ ഭാര്യ എലിസബത്ത് ഹെലൻ ചെന്നൈ വടപളനി പോലീസ് സ്റ്റേഷനിൽ പരാതി നൽകി. വനിതയുടെ മൂന്നാമത്തെ വിവാഹമായിരുന്നു ഇത്. പീറ്ററിനെതിരെ ആദ്യ ഭാര്യ ഉയർത്തുന്ന ആരോപണങ്ങൾ ഇങ്ങനെ:

പീറ്റർ പോളുമായുള്ള വിവാഹത്തിൽ തനിക്ക് രണ്ടു കുട്ടികളുണ്ട്. ചില അഭിപ്രായ ഭിന്നതകളുടെ പേരിൽ കഴിഞ്ഞ ഏഴു വർഷങ്ങളായി പിരിഞ്ഞു താമസിക്കുകയാണ് എന്നിവർ പറയുന്നു. മറ്റൊരു ഗുരുതര ആരോപണം കൂടി ഇവർ ഉയർത്തുന്നു:‌

ഔദ്യോഗികമായി വിവാഹമോചനം നേടാതെയാണ് പീറ്റർ വനിതയെ വിവാഹം ചെയ്തതെന്ന് ഇവർ പറയുന്നു. പരാതിയുടെ മേൽ പോലീസ് കേസ് രജിസ്റ്റർ ചെയ്തു. വനിത രണ്ടുതവണ വിവാഹിതയായെങ്കിലും ഈ ബന്ധങ്ങൾ വിവാഹമോചനത്തിൽ കലാശിക്കുകയായിരുന്നു. തന്റെ കുട്ടികൾക്കൊപ്പമാണ് വനിത മൂന്നാം വിവാഹത്തിനെത്തിയത്

വനിതയുടെ ചെന്നൈയിലുള്ള വീട്ടിൽ വച്ച് ക്രിസ്തീയ രീതി പ്രകാരമുള്ള വിവാഹമായിരുന്നു നടന്നത്. എന്നാൽ ഇവർ തമ്മിൽ വിവാഹിതരാവുന്നു എന്ന വാർത്ത നേരത്തെ തന്നെ പുറത്തു വന്ന സ്ഥിതിക്ക് പരാതി നൽകാൻ വിവാഹം കഴിയുന്നതുവരെ എന്തുകൊണ്ട് പീറ്ററിന്റെ ആദ്യ ഭാര്യ കാത്തുനിന്നു എന്നും ചില ഭാഗങ്ങളിൽ നിന്നും ചോദ്യം ഉയരുന്നു

ബോളിവുഡ്, ഹോളിവുഡ്, തമിഴ് സിനിമാ മേഖലകളിൽ സജീവമായ വി.എഫ്.എക്സ്. ഡയറക്‌ടറാണ്‌ പീറ്റർ. നടൻ വിജയകുമാറിന്റെയും നടി മഞ്ജുളയുടെയും മൂത്ത മകളായ വനിത അച്ഛനമ്മമാരുടെ വിവാഹദിനത്തിലാണ് തന്റെ വിവാഹവും നടത്തിയത്

മലയാളം, തമിഴ്, തെലുങ്ക് സിനിമകളിൽ സജീവമായിരുന്നു വനിത. ആദ്യ രണ്ട് വിവാഹങ്ങളിൽ നിന്നായി വനിതക്ക് മൂന്നു മക്കളുണ്ട്