ഈ വെള്ളിയാഴ്ച പ്രേക്ഷക മുന്നിലേക്ക് കപ്പേള, വര്‍ക്കി, കോഴിപ്പോര്, ടു സ്റ്റേറ്റ്സ് എന്നീ ചിത്രങ്ങൾ

ഹെലന് ശേഷം നായികാ പ്രാധാന്യമുള്ള കഥയുമായി അന്ന ബെൻ എത്തുന്ന ചിത്രമാണ് കപ്പേള. മുഹമ്മദ് മുസ്തഫ സംവിധാനം ചെയ്യുന്ന ചിത്രത്തിൽ ശ്രീനാഥ് ഭാസി, റോഷൻ മാത്യു, തൻവി റാം, സുധി കോപ്പ എന്നിവർ മുഖ്യ വേഷങ്ങൾ കൈകാര്യം ചെയ്യുന്നു

പൂവാർമല എന്ന മലയോര ഗ്രാമത്തിൽ നിന്നും കോഴിക്കോട് സിറ്റിയിൽ എത്തുന്ന സാധാരണക്കാരിയായ പെൺകുട്ടിയുടെ വേഷമാണ് അന്ന അവതരിപ്പിക്കുന്നത്

സലീംകുമാര്‍, ശ്രീജിത്ത് രവി, മിഥുന്‍ രമേശ്, അലന്‍സിയര്‍, സാദ്ദീഖ്, ജെന്‍സണ്‍ ആലപ്പാട്ട് , ജയശങ്കര്‍, ശ്രീകുമാര്‍, ലിതിന്‍ ജോയ്, സുധീര്‍ പറവൂര്‍, കൃഷ്ണപ്രഭ, മാല പാര്‍വ്വതി, അഞ്ജന അപ്പുക്കുട്ടന്‍, അമ്പിളി, രജിത മോഹന്‍, കുളപ്പുളി ലീല തുടങ്ങിയവരാണ് മറ്റു താരങ്ങള്‍

'കെട്ട്യോളാണ് എന്റെ മാലാഖയിലൂടെ' സ്ലീവാച്ചന്റെ ഭാര്യ റിൻസി എന്ന കഥാപാത്രത്തിലൂടെ ശ്രദ്ധേയയായ വീണ നന്ദകുമാർ അഭിനയിക്കുന്ന ചിത്രമാണ് കോഴിപ്പോര് 

കൊച്ചി നഗരത്തിനടുത്തുള്ള കിടങ്ങൂർ എന്ന ഗ്രാമത്തിലെ ഗാഗുൽത്താ ലെയ്നിലെ താമസക്കാരായ അയൽവാസികളായ മേരിയുടെയും ബീനയുടെയും അവരുടെ കുടുംബാംഗങ്ങളുടെയും സ്നേഹ ബന്ധത്തിൻ്റെ കഥ പറയുന്ന സിനിമയാണ് കോഴിപ്പോര്. ജിനോയ് ജിബിത് സംവിധാനം ചെയ്യുന്ന സിനിമ നിർമ്മിക്കുന്നത് വി.ജി. ജയകുമാർ

ജാക്കി എസ്. കുമാർ സംവിധാനം ചെയ്യുന്ന ടു സ്റ്റേറ്റ്സിൽ തീവണ്ടിയിലൂടെ ശ്രദ്ധേയനായ മനു പിള്ള, മറഡോണയിലെ നായിക ശരണ്യ നായർ, മുകേഷ് എന്നിവർ മുഖ്യ കഥാപാത്രങ്ങളെ അവതരിപ്പിക്കുന്നു

രസകരമായ പ്രണയകഥ പറയുന്ന ചിത്രമാണ് ടു സ്റ്റേറ്റ്സ്