Silambarasan | നടൻ ചിമ്പുവിന് പരിപാടിയിൽ പങ്കെടുക്കാൻ ഹെലികോപ്റ്റർ! വിശദീകരണവുമായി അണിയറപ്രവർത്തകർ

ചെന്നൈ പല്ലാവരത്തുള്ള വേൽസ് യൂണിവേഴ്‌സിറ്റി കാമ്പസിൽ നടൻ ചിമ്പു (Silambarasan) നായകനാകുന്ന 'വെന്തു തനിന്തത്തു കാട്' എന്ന ചിത്രത്തിന്റെ ഓഡിയോയും ട്രെയ്‌ലറും പ്രകാശനം ചെയ്തു. നടൻ ചിമ്പു, സംവിധായകൻ ഗൗതം വാസുദേവ് ​​മേനോൻ, സംഗീത സംവിധായകൻ എ.ആർ. റഹ്മാൻ തുടങ്ങി നിരവധി പേർ ചടങ്ങിൽ പങ്കെടുത്തു. കമൽഹാസൻ മുഖ്യാതിഥിയായിരുന്നു

നേരത്തെ കമൽഹാസനും ചിമ്പുവും ഹെലികോപ്റ്ററിൽ വേദിയിൽ എത്തി എന്നത് ഏറെ ഒച്ചപ്പാടുണ്ടാക്കിയ വാർത്തയായിരുന്നു. ഈ വാർത്ത ഇന്റർനെറ്റിനെ രണ്ടു ചേരികളിലാക്കി. ചിലർ ഇത് ഇഷ്ടപ്പെട്ടപ്പോൾ മറ്റുചിലർ വെറും പ്രഹസനം എന്ന് വിളിച്ചു. ശരിക്കും എന്താവും സംഭവിച്ചിരിക്കുക? (തുടർന്ന് വായിക്കുക)

എന്നാൽ, വെന്തു തണിന്തത്തു കാടിന്റെ ടീം അടുത്തിടെ നൽകിയ ചില വ്യക്തതകളുടെ വെളിച്ചത്തിൽ, നടൻ ഹെലികോപ്റ്ററിൽ എത്തിയില്ല എന്ന വാർത്ത പുറത്തുവന്നു. കാര്യങ്ങളെക്കുറിച്ചു അവർ നന്നായി വ്യക്തത വരുത്തി

നടന് വേദിയിലെത്താൻ ഹെലികോപ്റ്റർ ഒരുക്കിയെങ്കിലും ലക്ഷ്യസ്ഥാനം വളരെ അടുത്തായതിനാൽ പകരം റോഡിലൂടെ പോകാനാണ് സിലംബരശൻ ടി.ആർ. എന്ന ചിമ്പു തീരുമാനിച്ചതെന്ന് ടീമിൽ നിന്നുള്ള ഒരു വൃത്തം വ്യക്തമാക്കി

പ്രൊഡക്ഷൻ കമ്പനി ഹെലികോപ്റ്റർ മാർക്കറ്റിംഗ് ടൂൾ എന്ന നിലയിൽ മാത്രമാണ് ഉപയോഗിച്ചതെന്നും വെളിപ്പെടുത്തി. തിരികെ പോകുന്നതിനുമുമ്പ്, ഹെലികോപ്റ്റർ ഇവന്റ് സൈറ്റിന് മുകളിലൂടെ കുറച്ച് തവണ വട്ടമിട്ടു. ഇത് ചില കിംവദന്തികൾക്ക് കാരണമായി. അഭിനേതാക്കളും അണിയറപ്രവർത്തകരും മറ്റുള്ളവരും ഹെലികോപ്റ്റർ ഉപയോഗിച്ചിട്ടില്ലെന്ന് ഉറവിടം സ്ഥിരീകരിച്ചു

സെപ്തംബർ 2 ന് പുറത്തിറങ്ങിയ സിനിമയുടെ ട്രെയ്‌ലറിന് മികച്ച പ്രതികരണമാണ് ലഭിച്ചത്. ചിമ്പുവിനൊപ്പം സിദ്ധി ഇറ്റ്നാനി, നീരജ് മാധവ്, രാധിക ശരത്കുമാർ, തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു