'എന്നുമെന്റെ ഹൃദയം ഇങ്ങനെ ചേർത്തു പിടിക്കൂ'; രണ്ടാം വിവാഹ വാർഷികത്തിന് ഹൃദ്യമായ പോസ്റ്റുമായി ഭാവന

മലയാളികളുടെ പ്രിയ താരം ഭാവനയുടെ വിവാഹ വാർഷികമാണിന്ന്. രണ്ടാം വിവാഹ വാർഷികത്തിന് ഹൃദ്യമായൊരു പോസ്റ്റ് പങ്കുവെച്ചിരിക്കുകയാണ് താരം.

ഇൻസ്റ്റയില്‍ പങ്കുവെച്ച ചിത്രത്തിനൊപ്പമാണ് ഭാവനയുടെ കുറിപ്പ്. ഒപ്പം ഭർത്താവ് നവീന് വിവാഹ വാർഷിക ആശംസയും നേർന്നിട്ടുണ്ട്.

വിവാഹ ശേഷം നവീൻ ഭാവനയുടെ കൈപിടിച്ചു വലംവയ്ക്കുന്ന ചിത്രമാണ് ഭാവന പങ്കുവെച്ചിരിക്കുന്നത്. 'എന്നുമെന്റെ ഹൃദയം ഇങ്ങനെ ചേർത്തു പിടിക്കൂ. എന്റെ പ്രിയതമന് വിവാഹ വാർഷിക ആശംസകൾ'- എന്നാണ് ഭാവന കുറിച്ചിരിക്കുന്നത്. എന്നുമെന്റേത് എന്ന ഹാഷ് ടാഗിലാണ് ഭാവനയുടെ പോസ്റ്റ്.

നിരവധി പേർ ഭാവനയ്ക്ക് ആശംസ നേർന്നിട്ടുണ്ട്. 100 വർഷം ഇങ്ങനെ ജീവിക്കാൻ കഴിയട്ടെ എന്നാണ് ഭാവനയുടെ സഹോദരൻ ജയദേവിന്റെ ആശംസ.

2018 ജനുവരി 22നാണ് കന്നഡ നിർമാതാവും ബിസിനസുകാരനുമായ നവീനും ഭാവനയും തമ്മിലുള്ള വിവാഹം. തൃശൂർ തിരുവമ്പാടി ക്ഷേത്രത്തിൽ വെച്ചായിരുന്നു വിവാഹം. അഞ്ചു വർഷം നീണ്ട പ്രണയത്തിനൊടുവിലാണ് ഇരുവരും വിവാഹിതരായത്.