മക്കളെയും കൊണ്ട് ഭാര്യ വീടുവിട്ടിറങ്ങി; താര ദമ്പതികൾ പിരിയുന്നുവെന്ന് അഭ്യൂഹം

ലോക്ക്ഡൗൺ കാലത്തെ അസ്വാരസ്യങ്ങൾക്കൊടുവിൽ താരദമ്പതികൾ വേർപിരിയുന്നുവെന്ന് അഭ്യൂഹം. അഞ്ചു വയസ്സും ഒന്നര വയസ്സുമുള്ള രണ്ടു പെൺമക്കളെയും കൊണ്ട് ഭാര്യ വീടുവിട്ടിറങ്ങിയതോടെ റിപ്പോർട്ടുകൾ ശക്തമാവുകയാണ്

നടി തന്റെ അച്ഛനമ്മമാർക്കൊപ്പം താമസമാക്കുകയും, ഭർത്താവ് ഇയാളുടെ ആദ്യ വിവാഹത്തിലെ ആറു വയസ്സുകാരൻ മകനെയും നോക്കി കഴിയുകയുമാണ്

അമേരിക്കൻ താരം ജാക്കലിൻ ജോസയും അവതാരകനും നടനുമായ ഭർത്താവ് ഡാൻ ഓസ്ബോണുമാണ് ഇരുവഴിക്കെന്ന തരത്തിൽ റിപ്പോർട്ടുകൾ പുറത്തുവരുന്നത്. ഏഴു വർഷം ഒന്നിച്ചു കഴിഞ്ഞ ഇവർ 2017 ലാണ് വിവാഹിതരാവുന്നത്. മുൻപ് മറ്റൊരു സ്ത്രീയുമായി ബന്ധമുണ്ടെന്ന തരത്തിൽ ഡാനിനെതിരെ വഞ്ചനാ ആരോപണം ഉയർന്നിരുന്നു

ഡാനിനും മറ്റൊരു താരമായ നതാലി നണ്ണിനുമൊപ്പം ശാരീരിക ബന്ധത്തിലേർപ്പെട്ടു എന്ന് മോഡൽ ക്ളോ ഐലിങ് 2016ൽ വെളിപ്പെടുത്തിയിരുന്നു. ഇതോടെയാണ് ഡാൻ ഭാര്യയെ വഞ്ചിച്ചു എന്ന റിപ്പോർട്ട് പുറത്ത് വന്നത്

ഇവർക്കിടയിലെ പ്രശ്നം ലോക്ക്ഡൗൺ ആയതോട് കൂടി രൂക്ഷമായി എന്നാണ് സംസാരം. ഒടുവിൽ തനിക്കായി ഒരിടം കണ്ടെത്താനായി ജാക്കലിന്റെ ശ്രമം. ലോക്ക്ഡൗൺ കഴിഞ്ഞാൽ ഇവർ പ്രശ്നങ്ങൾ പരിഹരിച്ചേക്കും എന്നും ചിലർ പ്രതീക്ഷിക്കുന്നു

ഈ വാരമാദ്യം ഇൻസ്റ്റാഗ്രാമിൽ നിന്നും ജാക്കലിൻ വിട്ടുനിൽക്കുകയാണെന്ന് പറഞ്ഞിരുന്നു. ഇതിൻറെ കമന്റുകൾ ഇവർ ഡിസേബിൾ ചെയ്തിരുന്നു